Үндэсний телевиз
Цагийн хүрд
Найм арваннэг
Үндэсний бөхийн өсвөр үеийн УАШТ энэ амралтын өдрүүдэд Дундговь аймгийн төв Мандалговь хотод боллоо. 21 аймаг, есөн дүүргээс шалгарсан хөвгүүд 16, 17, 18 гэсэн гурван насны ангилалд хүч үзэв.
Хөвгүүдийн ахлах буюу 18 насанд чөлөөт бөхийн “Монголиа Опен” ОУТ-ий хүрэл, Роман Дмитриевийн нэрэмжит залуучуудын ОУТ-ий хошой хүрэл медальт, өсвөр үе, залуучуудын улсын хошой аварга, энэ сүүлээр 23 хүртэлх насны ДАШТ-д эх орноо төлөөлөн оролцохоор болоод буй Баянхонгор аймгийн Жинст сумын харьяат, аймгийн начин, спортын мастер Энхтүвшингийн Батмагнай 29 барилдсанаас 28 даваагаар түрүүллээ.
Улсын начин П.Нямжанцангийн удмын бөх тэрбээр үндэсний бөхийн өсвөр үеийн УАШТ-д 16, 17, 18 насанд сүүлийн гурван жил дараалан түрүүлж ховорхон амжилтыг үзүүллээ. Түүнээс өөр ердөө хоёрхон бөх ийм амжилт үзүүлсэн юм. Э.Батмагнай гурван удаа түрүүлэхдээ үеийнхэнтэйгээ 87 барилдаж 84 даваа авчээ.
Сонирхуулахад, дуу хуурын өлгий Дундговьд болсон УАШТ-д нас насанд эхний 10 байрт орсон бөхчүүдийн дийлэнх нь чөлөөт бөхийн өсвөр үеийн улсын аварга болон медальт тамирчид байв.
| Баянхонгорын Э.Батмагнай үндэсний бөхөөр ховорхон амжилт үзүүлэв | ||
| Үзсэн: 2970 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.