Үндэсний телевиз
Цагийн хүрд
Найм арваннэг
Нийслэлийн удирдлагын зөвлөлийн хурлаас Хан-Уул дүүргийн 15 дугаар хорооны нутаг дэвсгэр дэх УБ таун, Визард тауны орчмын бохир усны шугам, насос станцын ашиглалтын байдлыг хэлэлцэн үүрэг өгсний дагуу холбогдох газруудаас шат дараалсан арга хэмжээг авч эхэлсэн байна.
Бохир усны шугам, насос станцын ашиглалтын байдалтай танилцахад мэргэжлийн бус ашиглагч байгууллага хариуцлагагүйгээсээ хүндрэлтэй байдал үүсгэсэн, бохир усны насос станц нь ажиллахгүй, шугам сүлжээ нь бөглөрсөн, худгууд таггүй зэрэг олон зөрчил илэрсэн байна. Ус сувгийн удирдах газар ОНӨААТҮГ-ын инженер техникийн ажилчид шугам хоолойн бөглөөг гаргах, угааж цэвэрлэх, насос станцыг автомат горимд шилжүүлэх ажлыг хийж гүйцэтгэж байгаа ажээ.
Иргэдийн тав тухтай, эрүүл аюулгүй амьдрах орчныг бүрдүүлэх үүднээс харьяалах нутаг дэвсгэртээ байгаа таггүй худгуудыг тагтай болгох арга хэмжээ авах, эрүүл мэндийн байгууллагатайгаа хамтран орчны газрын ариутгал, халдваргүйжүүлэлтийг хийх, хүчин чадалд нь тохирсон насос сонгож, ашиглагч байгууллагатай хамтран суурилуулах зэрэг арга хэмжээ авч хэрэгжүүлэх үүргийг бүх дүүрэгт Захирагчийн ажлын албанаас өгсөн байна.
| Бохир усны шугамуудыг цэгцлэнэ | ||
| Үзсэн: 782 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.