Үндэсний телевиз
Цагийн хүрд
Найм арваннэг
Бурхан Халдун уулын төрийн тахилгын уламжлалт ёс заншлыг сэргээх, ээлжит төрийн тахилгын товыг тогтоох хэлэлцүүлэг өчигдөр БОНХЯ-ны "Хаан танхим"-д боллоо.
Хэлэлцүүлэгт Байгаль орчин, ногоон хөгжлийн яам, Соёл, спорт, аялал жуулчлалын яам, Хан Хэнтийн улсын тусгай хамгаалалттай газрын хамгаалалтын захиргаа, Хэнтий, Төв аймгийн удирдлагууд, ШУА-ын Археологийн хүрээлэн, Түүхийн хүрээлэн, Дашчойлон хийд зэрэг байгууллагын мэргэжилтэн, эрдэмтэн судлаачид оролцсон байна.
Хэлэлцүүлэгт оролцогчид Бурхан Халдун хайрханы төрийн тахилгын өдрийн товыг тогтоох, төрийн тахилга, тайлгыг уламжлалын дагуу Бурхан Халдун хайрханы бараа нь харагдах газраас хийх, хүндэтгэлийн овоо байгуулах газрыг сонгох зэрэг асуудлуудыг хэлэлцээд Төрийн тахилгыг 2014 оны зургаадугаар сарын зургааны өдөр хийхээр тогтжээ.
Төрийн тахилгын үед Бурхан Халдун хайрханы Дээд овоонд цөөн тооны хүмүүс очиж төрийн тахилгын ёслол үйлдэх, тайлгыг Цагаан арал орчимд хийж, өмнө байсан овооны суурийг Хан Хэнтийн улсын тусгай хамгаалалттай газрын хамгаалалтын захиргаа, Дашчойлин хийд, холбогдох газрууд хамтран сэргээх асуудал дээр оролцогчид санал нэгдэж, Монгол Улсын Ерөнхийлөгчийн Тамгын газарт санал хүргүүлэхээр болжээ.
| Бурхан Халдун хайрханы тахилгыг зургаадугаар сард хийнэ | ||
| Үзсэн: 3906 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.