Сургалтаар НЭМС-ийн захирал, доктор, профессор О.Чимэдсүрэн, Орчин-Хөдөлмөрийн эрүүл мэндийн тэнхимийн эрхлэгч, доктор Б.Пүрэвдорж, багш, доктор Г.Энхжаргал, багш, магистр Д.Нарансүх нар оролцож, “Ажиллагсдын эрүүл мэндийн био мониторинг судалгааны арга зүй”, “Ажлын байран дахь эргонимик хүчин зүйлс, эрүүл мэндэд үзүүлэх нөлөөлөл”, “Хөдөлмөрийн эрүүл ахуйн хэмжилтийн үр дүн, үнэлгээ дүгнэлт өгөх нь”, “Үйлдвэрлэлийн байрны агааржуулалт, төлөвлөлт, эрүүл ахуйн норм хэмжээ”, “Хувийн хамгаалах хэрэгсэл, сонголт, хэрэглээ, анхаарах зүйлс”, “ХАБЭА-н хууль эрх зүйн зохицуулалт, стандартын шинэчлэл” зэрэг сэдвээр 16 цагийн хичээл орсон байна.

 

Энэ удаагийн сургалт нь хөдөлмөрийн эрүүл мэнд судлал, үйлдвэрлэлийн эрүүл ахуй, ажлын байрны хөдөлмөрийн нөхцөлийн хэмжилт хийх, дүгнэлт өгөх зэрэг асуудлыг хамарснаараа онцлог сургалт болсон гэж холбогдох албаныхан хэллээ.