Дэлхийн адууны уралдааны түүхэнд анх удаа хамгийн өндөр буюу 20 сая ам.доллар буюу 55тэрбум төгрөгийн шагналын сантай “Saudi cup” уралдаан Саудын Арабд зохион байгуулагджээ.  

Энэ уралдаанд түрүүлсэн адууны үнэлэмжийг дараах байдлаар танилцуулья.

Түрүү 10 сая ам.доллар (27 тэрбум 550 сая төгрөг)

Аман хүзүү 3.5 сая ам.доллар (9 тэрбум 600 сая төгрөг)

Гуравдугаар байр хоёр сая ам.доллар (5тэрбум 500 сая төгрөг)

Дөрөвдүгээр байр 1,5сая ам.доллар (4тэрбум 100 сая төгрөг)

Тавдугаар байр 1 сая ам.доллар (2тэрбум 700 сая төгрөг)

Зургаадугаар байр 600,000 ам.доллар (1тэрбум 600 сая төгрөг)

Долоодугаар байр 500,000 ам.доллар (1 тэрбум 400 сая төгрөг)

Наймдугаар байр 400,000 ам.доллар (1 тэрбум 100 сая төгрөг)

Есдүгээр байр 300,000 ам.доллар (800 сая төгрөг)

Аравдугаар байр 200,000 ам.доллар (550 сая төгрөг)-ийн шагналыг тус тус хүртсэн байна. Гэхдээ уралдаанд орох бүртгэл нь адууны эздээс тус бүр 200,000 ам.долларын хураамж авчээ. Уралдах адууны дээд хязгаар 14, уралдах зай 1800метр, уралдааны зам элс.

Уралдаан дэлхийн адууны мэргэжилтнүүдийн ихээхэн анхааран харж буй соёолон азарга Максимум Секюрити 1800 метрийг 1,50,58 амжилтаар түрүүлж, өнөөдрийн ханшаар 27 тэрбум 550 сая төгрөгийг эзэндээ авч ирэв. Энэхүү азаргыг Күүлмор зүчээ болон Гэри Вэст Мэри Вэст нарын гэр бүл тус бүр 50 хувийн хувьцаагаар эзэмшдэг аж.

Максимум Секюрити амьдралдаа 10 уралдахдаа найм түрүүлж, нэг аман хүзүүдээд байна. Түүний эх Лил Инди бол домогт Эй ПИ Индигийн төлийн төл гүү бөгөөд мөн умардын бүжигчингийн 4-3 инбридингээр (төрлийн нийлүүлгээр) төрсөн юм. Харин эцэг нь Америкийн “Брийдирс Кап” уралдаанд 2013 онд шүдлэнгийн уралдаанд түрүүлж байжээ.

Аман хүзүүдсэн гүү Миднайт Бизу бол 20 уралдахдаа 12 түрүүлж, тав аман хүзүүдээд байна.

Эхний 10 байрын адууг доор жагсаав

Maximum Security эцэг New Year's Day

Midnight Bisou эцэг Midnight Lute

Benbatl эцэг Dubawi

Mucho Gusto эцэг Mucho Macho Man

Tacitus эцэг Tapit

Gold Dream эцэг Gold Allure

Chrysoberyl эцэг Gold Allure

Mjjack эцэг Elzaam

Magic Wand эцэг Galileo

Gronkowski эцэг Lonhro

McKinzie эцэг Street Sense

Great Scot эцэг Requinto

North America эцэг Dubawi

Capezzano эцэг Bernardini

Доор эзэлсэн байраар дараалуулан шагналт байрын 10 адууны зураг оруулав

Энэхүү уралдааны зохион байгуулалт, урьдчилсан сурталчилгаа, уулзалт, үзэгчдэд үзүүлэх үйлчилгээ, оролцох морьдыг байлгах байр хангамж, мал эмнэлгийн хяналт, допингийн шинжилгээ, шүүгчдийн хяналт, уралдааныг зохион байгуулчдын шуурхай цэгцтэй ажиллагаа, аюулгүй байдлын хамааралт зэрэг нь маш өндөр хэмжээнд байсныг оролцогчид бахдан ярьсан гэнэ.

Монголд ч гэсэн морины уралдаанд өөрчлөлт, хөгжил, шинэчлэлийг уламжлалаа гээлгүйгээр хийж болохыг манай улсын зарим уяач хэлж байсан юм.

Уг уралдааныг уншигч та үзэхийг хүсвэл дараах линк рүү орно уу.

https://www.youtube.com/watch?v=j-5yY1plS64

 

---

	20 сая ам.доллар буюу 55 тэрбум төгрөгийн шагналын сантай “Saudi cup” уралдаан болжээ
Үзсэн: 2208	Mongolian National Broadcaster