Үндэсний телевиз
Цагийн хүрд
Найм арваннэг
Иордан улсын Амман хотноо Ази, номхон далайн орнуудын олимпын эрх олгох боксын тэмцээн үргэлжилж байна.
Одоогийн байдлаар манай улсын дараах тамирчид эхний тулаануудаа хийгээд байна. Тодруулбал:
Эрэгтэйчүүдийн -52 кг жинд Х.Энхмандах Тажикстаны боксчин Шухрат Сабзалиевтэй тулалдан хоёрдугаар үед хүнд цохилтоор буулган авсан.
Эмэгтэйчүүдийн -57 кг жинд Т.Болортуул Папуа Шинэ Гвиней улсын тулаанч Флора Логатай тулалдан мөн цаг дуусахаас өмнө техникийн илт давуугаар буулган авлаа.
Эрэгтэйчүүдийн -69 кг жинд Б.Мишээлт Катарын боксчин Д.Дарумалингамтай тулалдан 5:0 шүүгчдийн саналаар өрсөлдөгчөө буулган авлаа.
Эрэгтэйчүүдийн -75 кг жинд О.Бямба-Эрдэнэ Сирийн боксчин Ахмад Гоусүүнийг 5:0 харьцаагаар яллаа.
Эрэгтэйчүүдийн -81 кг жинд Н.Шинэбаяр Вьетнамын тулаанчид харин ялагдан тэмцээнээ дуусгалаа.
Өнөөдөр эмэгтэйчүүдийн -69 кг жинд У.Шинэцэцэг, эмэгтэйчүүдийн -75 кг жинд М.Мягмаржаргал, эрэгтэйчүүдийн -91 кг жинд С.Эрдэнэбаяр, эрэгтэйчүүдийн -69 кг жинд Б.Мишээлт нар тулалдах хуваарьтай байна.
| Олимпын эрх олгох боксын тэмцээн үргэлжилж байна | ||
| Үзсэн: 1902 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.