Үндэсний телевиз
Цагийн хүрд
Найм арваннэг
Дэлхийн хамгийн хүчирхэг эзэнт гүрнийг байгуулсан Их Монгол Улсын хаан Чингисийн алтан ураг гэгддэг Тогоонтөмөр хааны их хатан Данаширид Өмнөд солонгосчууд хүндэтгэл үзүүлсэн тухай “Yonhapnews.co.kr” сайтад бичсэн байна.
Энэхүү арга хэмжээ Өмнөд Солонгосын Ёончунь мужид болж, нутгийн иргэд Данаширид хатанд мөргөж ёслол үйлджээ.
Ийнхүү хүндэтгэл үзүүлэх болсон гол шалтгаан нь Өмнөд Солонгосын “SBS” телевизийн кино баг ирэх онд Тогоонтөмөр хааны байлдан дагуулалтыг харуулсан түүхэн уран сайхны кино хийхээр төлөвлөсөнтэй холбоотой аж. Тодруулбал, кино багийнхан их хатан Данаширидаас нь зөвшөөрөл авч мөргөсөн байна.
Үүнийгээ тэд Солонгосын түүхийн номд Их Монгол Улсын хаад ууртай догшин хэмээн бичсэн байдаг учир хааны итгэлт хүнээр нь төлөөлүүлэн зөвшөөрөл авч байгаа хэмээн тайлбарлажээ.
Данашири хатан нь Юань улсын сүүлчийн хаан Тогоонтөмөрийн их хатан юм. Тэрээр Дархан тайш, Нууц бичгийн яамны сайд, Тайпин ван Яньтөмөрийн охин бөгөөд Дотоод бичгийн яамны зүүн этгээдийн чинсан Тэнгис чинсангийн охин дүү нь байжээ.
Данашири хатан нь 1333 оны зургаадугаар сард Тогоонтөмөрийг хаан ширээнд залрахад их хатнаар өргөмжлөгдсөн гэдэг. Түүнчлэн Тогоонтөмөр хааны ээж нь Өлзийхутаг гэдэг нэртэй солонгос хүн байсан гэсэн яриа байдаг ажээ.
.jpg)
.jpg)
.jpg)
.jpg)
| Өмнөд солонгосчууд Монгол хатан Данаширид хүндэтгэл үзүүлжээ | ||
| Үзсэн: 8106 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.