Үндэсний телевиз
Цагийн хүрд
Найм арваннэг
Монгол Улсад коронавируст "COVID-19" халдварын тохиолдол дахин 37-гоор нэмэгдлээ. Ингэснээр Монгол Улсад "COVID-19" халдварын нийт батлагдсан тохиолдол 135 бүртгэгдээд байна.
Үүнээс 20 нь эдгэрч эмнэлгээс гарсан бол, ХӨСҮТ-д одоо 78 хүн эмчилгээ, шинжилгээ, хяналт, тандалт, судалгаанд хамрагдаж байна.
ХӨСҮТ-д тусгаарлагдсан 78 хүний 17 нь биеийн байдал хүндэвтэр, 39 нь дунд зэрэг, 22 нь хөнгөн байгаа аж. Мөн жирэмсэн эх 2, хорт хавдартай 1 хүн байна.
2020 оны тавдугаар сарын 15-нд ХӨСҮТ-ийн 2 лаборатори, Дархан-Уул аймгийн салбар 1 лабораторид 238 шинжилгээ /PCR/ хийсэн байна.
Баян-Өлгий, Өвөрхангай, Дундговь аймаг, Баянзүрх дүүргийн нэгдсэн эмнэлгээс тандалт, судалгааны чиглэлээр цуглуулсан 15 сорьц, "Алтанбулаг" боомтоор ирсэн ачаа тээврийн 26 жолоочийн шинжилгээнд халдвар илрээгүй байна.
Харин 2020 оны тавдугаар сарын 14-нд ОХУ-аас "Алтанбулаг" боомтоор ирсэн 193 оюутанд шинжилгээ хийхэд 37 хүнд "COVID-19" халдвар илэрлээ. Эдгээр оюутныг ХӨСҮТ-д тусгаарлах ажлыг зохион байгуулж байна.
| Монгол Улсад "COVID-19" халдварын нийт батлагдсан тохиолдол 135 боллоо | ||
| Үзсэн: 1264 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.