Коронавирусний тархалтын нөхцөл байдлын талаар ЭМЯ-наас өнөөдөр /2020.06.17/ ээлжит мэдээлэл хийлээ.

2020.06.16-нд ХӨСҮТ-ийн 2 лабораторид 316 шинжилгээ /PCR/ хийжээ.

Үүнд:

- Ажиглах байранд тусгаарлагдсан 267 хүн,
- Тандалт судалгааны зорилгоор Дундговь аймаг болон Баянгол, Хан-Уул дүүргийн нэгдсэн эмнэлгээс цуглуулсан 23 сорьц,
- Сэлэнгэ аймагт тусгаарлагдсан 4 хүн /давтан,
- Алтанбулаг боомтоор ирсэн ачаа тээврийн 22 жолоочийн шинжилгээнд халдвар илрээгүй байна.

- Мөн ХӨСҮТ-д эмчлүүлж байсан 2 хүн эдгэрч, өнөөдөр дараагийн тусгаарлалт руу шилжиж байна.

Тухайлбал:

- ОХУ-ын Батлан хамгаалахын их сургуулийн 19 настай оюутан - эмчилгээний хугацаа 33 хоног үргэлжилжээ.
- ЕБС-ийн 15 настай сурагч - эмчилгээний хугацаа 31 хоног үргэлжилжээ.
- Орон нутгийн 15 чиглэлд галт тэргээр зорчсон 4532 хүнд тандалт, судалгаа хийж, асуумж авахад халдвар илрээгүй байна.
- Өнөөдрийн байдлаар, ХӨСҮТ-д 129 хүн тандалт, судалгаа, хяналт, эмчилгээ, шинжилгээнд хамрагдаж байна.
- Монгол Улсад гаднаас зөөвөрлөгдөн орж ирсэн коронавируст "Ковид-19" халдварын нийт батлагдсан тохиолдол 197 байна. Үүнд:
- ХӨСҮТ-д эмчлүүлж эдгэрсэн 111 хүн байгаа бол, өдгөө эмчилгээ, ажиглалтад 86 хүн хамрагдаж байна.
- Биеийн байдал хөнгөн 78, хүндэвтэр 8 хүн. Жирэмсэн 3, чихрийн шижин өвчтэй 1 хүн байна.