Шууд Chart

Энэ долоо хоногт цаг агаар ямар байх вэ?

2021-04-12 12:05:21

2021 оны 04 дүгээр сарын 12-ноос 04 дүгээр сарын 19-нийг хүртэлх
7 хоногийн цаг агаарын урьдчилсан төлөв

Анхааруулга мэдээ: 14-нд ихэнх нутгаар салхи шуургатай байхыг анхааруулж байна.

Хур тунадас: 13-нд Хөвсгөлийн уулсаар, 14-нд баруун болон говийн аймгуудын нутгийн хойд хэсэг, төвийн аймгуудын ихэнх нутаг, зүүн аймгуудын нутгийн баруун хэсгээр, 15-нд баруун аймгуудын нутгийн зүүн, төвийн аймгуудын нутгийн зарим, говийн аймгуудын нутгийн зүүн хэсэг, зүүн аймгуудын ихэнх нутгаар, 16-нд Халх голын саваар, 17-нд Монгол-Алтайн уулархаг нутгаар бороо, нойтон цас, цас орж, цасан шуурга шуурна.

Салхи: 13-нд Алтайн салбар уулс болон Арц Богдын өвөр хоолойгоор, 16-нд зүүн аймгуудын нутгаар секундэд 12-14 метр, 14-нд ихэнх нутгаар, 15-нд говь, тал, хээрийн нутгаар секундэд 16-18 метр, зарим үед секундэд 24 метр хүрч шороон шуурга шуурна.

Агаарын температур:  Дархадын хотгор, Завхан голын эх, Идэр, Тэс, голын хөндийгөөр шөнөдөө 10-15 хэм хүйтэн, өдөртөө 0-5 хэм дулаан, Хангай, Хөвсгөл, Хэнтийн уулархаг нутаг, Байдраг, Эг, Үүр, Орхон, Хараа, Ерөө, Хэрлэн, Онон, Улз, Туул, Тэрэлж голын хөндийгөөр шөнөдөө 5-10 хэм хүйтэн, өдөртөө 3-8 хэм дулаан, говийн бүс нутгийн өмнөд хэсгээр шөнөдөө 3 хэм хүйтнээс 2 хэм дулаан, өдөртөө 10-15 хэм дулаан, бусад нутгаар шөнөдөө 2-7 хэм хүйтэн, өдөртөө 6-11 хэм дулаан байна. 14-15-нд ихэнх нутгаар сэрүүхэн байна.


Энэ долоо хоногт цаг агаар ямар байх вэ?  
Үзсэн: 1534 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй