Түүнийг Засгийн газраас хэрэгжүүлсэн “Нүүрс” хөтөлбөрийн ахлагчаар ажиллаж байхдаа ард иргэдэд сайн чанарын нүүрс нийлүүлэх нэрээр төрийн хөрөнгийг хувьдаа завшиж, олон мянган иргэнийг хохироосон гэж АТГ-аас шалгахаар болсныг нь мэдээд Монголоос зугтжээ гэсэн мэдээлэл гарсан билээ.

 

Харин дөнгөж сая УИХ-ын нэгдсэн чуулганы үеэр Ерөнхий сайд Н.Алтанхуяг энэ талаар албан ёсны мэдээлэл хийлээ. Ерөнхий сайдын хэлснээр түүний ахлах зөвлөх Л.Гансүх гадаадад эмчлүүлж байгаа аж. Тэрээр гадаадаас ирээд эсвэл өнөөдөр албан ёсны мэдээлэл хийнэ гэжээ. Албан бус эх сурвалжийн мэдээлж буйгаар Л.Гансүх зөвлөх сүүлийн хэдэн сар гадаадад эмчлүүлж байгаа ажээ.

 

Ерөнхий сайд Н.Алтанхуяг “Намайг Ерөнхий сайд болсноос хойш АТГ үнэхээр ажил хийлгэхгүй байна. Одоо бүр намайг оролдож дуусаад миний эргэн тойрны хүмүүсээр оролдож эхэллээ. Өмнө нь ч гэсэн баруун аймгуудад битүү захуудыг ашиглалтад оруулж дуусмагц миний зөвлөх Д.Батмөнхийг АТГ-аас танил компанидаа тендер өгсөн гээд шалгаж эхэлсэн. АТГ хүн болгоныг аваачиж шоронд хийж хориод худалдаж авсан хэвлэл мэдээллийн хэрэгслүүдээр тэр хүнийг буруутай мэтээр гүтгэдэг болсон байна” гэж хэллээ.