Бүлгийн хуралд Ерөнхий сайд оролцож, ОХУ-д айлчилсан айлчлалынхаа үр дүнгийн талаар мэдээлэл хийсэн байна. Ерөнхий сайд Н.Алтанхуяг ОХУ-д айлчлахдаа тус улсын Ерөнхийлөгч В.Путин болон төмөр замын дарга, Роснефтийн захиралтай уулзаж хоёр орны хамтын ажиллагааны талаар болон хамтарсан төмөр замын ачаа эргэлтийг сайжруулах, үр ашгийг нэмэгдүүлэх талаар санал солилцсон байна. Мөн ОХУ-аас БНХАУ руу татах хийн хоолойг Монголын нутгаар дамжуулах саналыг тавьсан байна. Энэ саналыг Засгийн газраас дэмжиж, шаардлагатай бүхий л зүйлд нь туслахаа Ерөнхий сайд илэрхийлжээ. Мөн Роснефть компанитай манай шатахуун импортлогч компаниудын төлөөлөл чухал хэлэлцээр хийжээ. Энэ нь урт, удаан хугацаанд Сингапурын биржийн үнэнд тулгуурлан үнэ тохирч импортын шатахуун авах хэлэлцээр аж. Тус хэлцэл хийгдсэнээр жил бүр 100 гаруй сая долларын эдийн засгийн хэмнэлтийг хийх юм байна.

 

Бүлгийн хурлаар хэлэлцсэн дараагийн асуудал нь Эдийн засгийг идэвхжүүлэх зарим арга хэмжээний тогтоолын төслийн хэрэгжилтийн байдал юм. Тус ажлын үр дүнгийн талаар холбогдох хүмүүсээс нь бүлгийн хурал дээрээ сонссон байна. Импортыг орлож, экспортыг нэмэгдүүлэх чиглэлээр Хөгжлийн банкин дээр ирээд буй хоёр тэрбум гаруй төгрөгийн 888 төсөл хөтөлбөрт Чингис бондоос 100 сая долларын санхүүжилт хийхээр болж, мөнгийг нь жижиг, дунд үйлдвэрийг дэмжих сан руу шилжүүлжээ.

 

Мөн цементийн хэрэгцээгээ дотоодоос хангах арга хэмжээний хүрээнд үндэсний гурван компанид хөнгөлттэй зээл өгөхөөр болсон байна. Тус ажлыг “МАК”, “Монполимент”, Баян-Өлгий аймагт баригдаж байгаа хамтарсан үйлдвэр гүйцэтгэхээр болжээ.

Мөн энэ долоо хоногт байнгын хороо, УИХ-ын чуулганаар хэлэлцэх хуулийн төслүүдийн талаар АН бүлгийн хурлаараа хэлэлцэж саналаа нэгтгэсэн байна. Ингээд тус бүлэг Өрийн удирдлагын тухай хууль болон НӨАТ-аас чөлөөлөх тухай хууль, Тендерийн тухай хууль зэргийг хэлэлцэхийг дэмжжээ.

 

АН-ын бүлгийн зүгээс Өрийн удирдлагын тухай хуулийг тус бүлгээс маш чухал хууль гэж үзэж байгаа аж. Мөн НӨАТ-аас чөлөөлөх тухай хуулийг хэлэлцэх нь зүйтэй гэж үзсэн байна. Харин НӨАТ-ын босгыг 50 сая байлгах уу, байлгахгүй юу гэдгийг хэлэлцэх явцдаа тодорхой болгосон дээр гэдэгт саналаа нэгтгэжээ.

 

Тендерийн тухай хуулийг ч мөн дэмжжээ. Хэрвээ энэ хуульд өөрчлөлт орвол тендерт ялсан компанийг 20 хоногт шалгаруулдаг болох юм байна. Мөн хамгийн бага мөнгөөр ажил гүйцэтгэх компанид эрхийг өгдөг бус тендер зарлаж буй газраас үнээ зарлаад ажлаа хийлгэдэг систем рүү шилжих юм байна.

 

 

 

-Бүлгийн хуралдааны үеэр Ерөнхий сайд мэдээлэхдээ манай талаас шаардагдах бүх дэмжлэгийг үзүүлнэ гэж хэлсэн гэсэн. Мөн ОХУ-ын Ерөнхийлөгч В.Путин энэ асуудал дээр нааштай хандаж холбогдох хүмүүст үүрэг өгсөн гэж мэдээлсэн. Энэ талаар Засгийн газрын мэдээллийн цаг дээр дэлгэрэнгүй танилцуулах байх.

 

-МАК, Монполимент, Баян-Өлгий аймагт баригдаж байгаа хамтарсан үйлдвэрийн Монголын талын хөрөнгөд Чингис бондын хөрөнгөөс хөнгөлөлттэй зээлийг олгохоор болсон.

 

-ҮХАА-н сайдын асуудлыг өчигдөр бүлгийн хуралдаанаар ярилцаагүй. Гэхдээ аль болохоор энэ салбарын хүнийг хурдан оруулж ирж томилох нь зүйтэй гэдэгт АН-ын бүлгийн гишүүд санал нэгтэй байгаа.

 

 

-Энэ талаар одоохондоо тодорхой мэдээлэл алга байна. Гэхдээ удахгүй тодорхой болох байх.

 

-Нэгэнт “давхар дээл”-ний асуудал яригдаж байгаа учраас миний бодлоор дараагийн сайдыг гаднаас томилсон нь зүйтэй гэж бодож байна.