Ерөнхий сайд Н.Алтанхуяг Монгол Улсынхаа нэр хүнийг өндөрт өргөж, монгол бөхийн удмыг залгаж яваа түүнд баяр хүргээд улам сайн хичээж барилдахыг ерөөлөө. М.Ананд сумогоор барилдах хүсэлтэй байгаа тухайгаа захидалд бичиж анх Япон улс руу явуулж байжээ. Тэрээр Япон улсад анх 16 настайдаа хөл тавьж байснаас хойш 12 жил өнгөрсөн байна хэмээн ярилаа. 12 жилийн дараа 71 дэх аварга болсондоо туйлын их баяртай байгаагаа ч дуулгалаа.

 

Тэрээр өдгөө 28 настай бөгөөд залуучуудад хандаж “Залуу хүн хүнтэй зөв харьцаж, хүнийг хүндлэх ёстой. Хүнийг хүндэлж байж, өөрөө хүндлүүлдэг. Өөрт оногдсон ажлыг бага гэлтгүй чин сэтгэлээсээ хариуцлагатай хийх хэрэгтэй. Тэгж гэмээнэ хүнд амжилт ирдэг” гэв. Одоогоор Япон улсад Монголоос 28 бөх сумогийн спортоор хичээллэж байгаа аж. Түүний 15 нь дээд зиндаанд барилддаг юм байна.

 

 

-Юуны өмнө Монголын ард түмэндээ энэ өдрийн мэнд хүргэе. Өчигдөр эх орондоо ирлээ.

 

-Асар их өөр юм байна. Тавдугаар сарын башёд барилдаад өөрийн биеэр мэдэрлээ. Их ч туршлага судаллаа.

 

-Мэдээж дараагийн башёд түрүүлэх, аварга цолоо батлахын төлөө хичээнэ дээ. Нутаг орондоо сайхан амарч байгаад очоод бэлтгэлээ хийнэ дээ.

 

-Нэг их удахгүй ээ. Энэ долоо хоногийг дуусгаад явах байх.

 

-М.Даваажаргал  аварга маань миний барилдааныг маш сайн харж байсан юм билээ. Бид тэр дор зүгээр суудаггүй. Шүүгч гэсэн ойлголтоор суудаг. М.Даваажаргал аваргын нүдэн дээр миний үснээс татаж байгаа хэсэг нь харагдсан юм байна лээ. Тэгээд гараа өргөсөн.

 

-Тийм зүйл бараг байдаггүй дээ. Гайгүй шүү.