Kомиссын VI хурлаар хүн амын хөгжил, нийгмийн хамгааллын салбарт хоёр орны хамтын ажиллагааг хөгжүүлэх, хөрөнгө оруулалт, бизнесийн салбар, хөдөө аж ахуй, зам тээвэр, уул уурхай, байгаль орчин, соёл боловсрол зэрэг олон салбарын хамтын ажиллагааг өргөжүүлэх талаар төлөөлөгчид санал солилцсон юм.  

 

Түүнчлэн хоёр улсын төлөөлөл агаарын харилцааны тухай 1992 оны хэлэлцээрийг хэрэгжүүлэх Харилцан ойлголцлолын санамж бичиг болон Нислэг, техникийн осол, зөрчлийг шинжлэн шалгах байгууллага хоорондын хамтын ажиллагааны санамж бичигт Монголын талаас Иргэний нисэхийн ерөнхий газрын дэд захирал Ч. Нямсайхан, Казахстаны талаас Иргэний нисэхийн хорооны орлогч дарга Талгат Тлеубекович Ластаев нар гарын үсэг зурлаа.

 

Комиссын хуралдааны эцэст хоёр улсын Засгийн газар хоорондын ажлын уялдаа, харилцааг эрчимжүүлэх, үүний дотор хүн амын хөгжил, нийгмийн хамгааллын салбарт түлхүү хамтран ажиллах зорилго бүхий Худалдаа, эдийн засаг, шинжлэх ухаан, техник, соёлын хамтын ажиллагааны Монгол, Казахстаны Засгийн газар хоорондын комиссын VI хуралдааны Протоколд  Монгол Улсыг төлөөлж  ХАХНХ-ын сайд  С.Эрдэнэ, Бүгд Найрамдах Казахстан Улсыг төлөөлж Хөдөлмөр, хүн амын нийгмийн хамгааллын сайд Тамара Касымовна Дуйсенова нар гарын үсэг зурж баталгаажууллаа.