Өнөөдрийн байдлаар 100 хоногоос 20 хоног нь өнгөрөөд байна. Энэ хугацаанд хийхээр төлөвлөсөн 70 ажлаасаа нэлээдийг амжуулсан гэж  Ерөнхий сайд хэллээ. Тухайлбал, хэд, хэдэн хуулийг УИХ-д хэлэлцүүлэхээр өргөн барьсан байна. Түүний дотор НӨАТ-ын босгыг нэмэгдүүлэхээс эхлээд чухал хуулийн төслүүд олон байгаа аж. Эдийн засгийг идэвхжүүлэх ажлын хүрээнд импортыг орлож, экспортыг нэмэгдүүлэх төслүүдэд Чингис бондоос санхүүжилт өгч байгаа ажээ. Түүнчлэн энэ 100 хоногийг  хэтэрхий улстөржүүлээд байх хэрэггүй гэсэн юм.

 

Энэ талаар болон Засгийн газраас хэрэгжүүлж буй бусад асуудлаар Ерөнхий сайд сэтгүүлчдийн асуултад хариуллаа.

 

-Эдийн засаг эрчимжүүлэхээс 40 гаруй асуудал эхэлсэн. Үүнээс зарим ажил нь хэрэгжээд эхэлсэн, зарим хууль нь батлагдсан явж байгаа.

-Банкинд "энэ хүнд зээл өг" гэж хэлэх эрх бидэнд байхгүй. "Буянт-Ухаа" хороололд орохыг хүссэн иргэд 30 хувиа төлсөн байх ёстой. Үлдэж байгаа 70 хувиа 25 жилийн хугацаанд ийм хэмжээгээр төлөх чадвартай гэсэн банкны шалгуурыг хангасан хүмүүс байрандаа орно. Сугалаанд оролцсон 1500 гаруй хүнээс 1000 орчим нь байраа авсан гэсэн мэдээллийг өчигдөр өгсөн.

 

-Энэ журамд өөрчлөлт орохгүй. Байр авахыг хүссэн хүн 30 хувиа төлөөд 25 жилийн хугацаанд төлөх чадвартай байх ёстой. Жишээлбэл, өндөр настай иргэн ажил хийж байгаа хүүхэдтэйгээ хамтраад байрны эзэмшигч болсон байсан. Боломжтой хувилбар олон бий шүү дээ. Бэлэнчлээд суухгүйгээр олон арга хайх хэрэгтэй.  

 

-Одоогоор надад огцруулах гэж байгаа гэсэн бичиг ирээгүй байна.

 

-100 хоногийн ажил хийгээд явж байсан үед 10 хоногийн шаардлага өгчихлөө. Энэ бол байдаг л асуудал. Хүн хэлээрээ, мал хөлөөрөө гэдэг. Ажлаа ч хийнэ, шаардлагад нь хариу өгөөд л явна.

-Цалин танасан биш нэмсэн. Цалингаа үе шаттай нэмнэ гэсний дагуу цалинг боломжийн хэмжээгээр нэмсэн. Үнийн өсөлт нөлөөлөөд байдаг учраас цалин нэмсэн гэдгээ хэлэхгүй байгаа. Түүнээс цалин танагдах асуудал ерөөсөө байхгүй.

-100 хоногийн ажлыг амжуулна гэж хичээж байна. Энэ хугацаанд ид шидийн юм бүтээгдэхгүй. Цаашдаа зөв явах суурь нь маш сайн тавигдаж эхэлнэ.

 

-Эдийн засаг хүндрэхэд Монголбанкны нөлөөлөл гэж байхгүй. Ерөнхийдөө дэлхийн эдийн засгийн хямрал бидэнд нөлөөлсөн. Монголбанктай хамтраад бид өнгөрсөн жил зарим хөтөлбөрүүдийг хэрэгжүүлж эхэлсэн. Эдийн засгийн өсөлтийг зогсоогоод, валютын ханшийг бага хэмжээнд барих эсвэл хүмүүсийнхээ ажлыг хийлгээд эдийн засаг өсөөд, валютын ханшид өөрчлөлт орох боломжоос Монголбанк сонголтоо хийсэн. Муутгасан эзэн нь гэж хэлж болохгүй. Цаашид валютын ханш дээр боломжийн дүр зурагтай прогнозыг Монголбанк хийж байгаа. Монголбанкны Ерөнхийлөгчийн хэлээд байгаа валют өсөхгүй гэдэг үнэн байх гэж бодож байна.

 

-Шатахууны үнэ нэмэгдэхгүй байх. Тэнд очиж гэрээ хийж, хямд үнээр тохироо хийж ирээд нөгөө талдаа үнэ нэмнэ гэж болохгүй. Гэхдээ шатахууны үнэ буурна гэж туйлширч болохгүй.

-"Давхар дээл"-ийн төслийг УИХ дээр унагасан. Үндсэн хуульд УИХ-ын гишүүн Засгийн газрын гишүүн байж болно гэж заасан учраас хууль зөрчсөн үндэслэл байхгүй.

-Хамтраад ажлын хэсэг гаргаад судалгаа хийе гэж ярилцсан. Эхний ээлжинд Монголын нутгаар дамжуулах юм хаагуур явуулах, дамжуулсан тохиолдолд Монголд хэдэн төгрөг орж ирэх байх. Гэхдээ энэ бүгдийг хоёр талаас хамтарсан ажлыг хэсэг байгуулж, судалж үзье гэсэн.

- Бид нар энэ "Оюутолгой"-оос болоод нэг асуудалд орчихоод байгаа юм. "Оюутолгой"-н 34 хувийг бид эзэмшиж зээлээр хөрөнгө оруулсан. Одоо тэгэхээр стратегийн ордын төрийн өмчийн хувь 34 хувь байх асуудал үүссэн. Одоогийн байгаа хуулиар 34 хувь эзэмших болж байна. Ашигт малтмалын шинэчилсэн хуульд цаашдаа Монгол Улсын төр заавал хувь эзэмших шаардлагагүй гэж үзсэн.

-Өнгөрсөн намар Монголын санаачилгаар Монгол, Орос, Хятадын талын төмөр замын салбарынхан уулзсан. Бид зөвхөн ОХУ-д биш БНХАУ-д аль аль талд нь манай төмөр замын үр өгөөжийг нэмэгдүүлэхэд хамтран ажиллая гэсэн санал гаргасан. Энэ нь ажил хэрэг болоод явж байна.

-Дундговь гэж завхарсан аймаг байна. Засаг даргаа огцруулсан гээд бичиг ирэхээр нь захирамж гаргачихсан чинь намайг шүүхэд өгчихсөн. Дараа нь шүүхээс буцаагаад томилох ёстой гэсэн. Тэгсэн дахиад Засаг даргаа огцруулъя гэх юм. Одоо яах ёстой юм бэ. Ажил хийж болохгүй хачин юм хийж байх юм.