Үндэсний телевиз
Цагийн хүрд
Найм арваннэг
Үйлдвэр хөдөө аж ахуйн сайд Х.Баттулга “давхар дээл”-ээ тайлахын тулд өөрийн хүсэлтээр сайдын албанаас огцорсон. Түүнийг сайдын ажлаа өгснөөс хойш ҮХАА-н сайдын ажлыг Уул уурхайн сайд Д.Ганхуяг давхар хариуцаж байгаа юм.
Ачаалал ихтэй хоёр яамыг нэг сайд давхар хариуцаж ажиллаж болохгүй гэж яаравчилж Ардчилсан намын Гүйцэтгэх зөвлөл хуралдан ҮХАА-н сайдаар ажиллах хүнийг сонгосон нь одоогийн Хууль зүйн байнгын хорооны дарга, УИХ-ын гишүүн Ш.Түвдэндорж юм.
Намын Гүйцэтгэх зөвлөлөөс гаргасан шийдвэрийг УИХ дахь АН-ын бүлэг дэмжсэн. Үүний дагуу өнөөдөр Эдийн засгийн болон Байгаль орчин, хүнс, хөдөө аж ахуйн байнгын хороо хамтран хуралдаж Ш.Түвдэндоржийг ҮХАА-н сайдаар томилох эсэх асуудлыг хэлэлцлээ. Байнгын хорооны хуралдаанд 22 гишүүн оролцсоноос 19 гишүүн нь ҮХАА-н сайдад Ш.Түвдэндоржийг томилохыг дэмжлээ.
Уг асуудлыг байнгын хороо дэмжсэн тул ирэх пүрэв гарагийн чуулганы нэгдсэн хуралдаанаар хэлэлцэх юм.
| Ш.Түвдэндоржийг байнгын хороо дэмжлээ | ||
| Үзсэн: 1227 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.