2022 оны 04 дүгээр сарын 25-наас 5 дугаар сарын 02-ныг хүртэлх
7 хоногийн цаг агаарын урьдчилсан төлөв

25-нд говь, тал, хээрийн нутгаар салхи шуургатай, бусад хугацаанд бага зэрэг дулаарах төлөвтэй байна.

Хур тунадас: 25-нд төвийн аймгуудын нутгийн зарим газар, зүүн аймгуудын ихэнх нутгаар бороо, нойтон цас, 26-нд Алтайн уулархаг нутаг, Дорнодын тал нутгаар, 27-нд баруун аймгуудын нутгийн зарим газар, 28-нд баруун болон төвийн аймгуудын нутгийн зарим газраар, 29-нд төв, говь, зүүн аймгуудын нутгийн зарим газар, 30-нд Хэнтийн уулсаар хур тунадас орно.

Салхи: 25-нд говь, тал, хээрийн нутгаар секундэд 18-20 метр, зарим үед секундэд 24 метр хүрч, хүчтэй шороон шуурга, 26-нд Алтайн салбар уулс, Дорнодын тал нутгаар, 28-нд зарим газраар, 29,30-нд тал, хээрийн нутгаар секундэд 12-14 метр хүрч ширүүсэж, шороон шуурга шуурна.

Агаарын температур: 26-нд нутгийн баруун хагаст, цаашдаа ихэнх нутгаар бага зэрэг дулаарч Дархадын хотгор, Завхан, Идэр, Тэс, Байдраг, Туул, Тэрэлж голын хөндийгөөр шөнөдөө 3-8 хэм хүйтэн, өдөртөө 3-8 хэм дулаан, Алтай, Хангай, Хөвсгөл, Хэнтийн уулархаг нутаг, Хэрлэн, Онон, Улз, Халх голын хөндийгөөр шөнөдөө 0-5 хэм хүйтэн, өдөртөө 7-12 хэм дулаан, говийн бүс нутгийн өмнөд хэсгээр шөнөдөө 2-7 хэм, өдөртөө 18-23 хэм дулаан, бусад нутгаар шөнөдөө 2 хэм хүйтнээс 3 хэм дулаан, өдөртөө 11-16 хэм дулаан байна. 25,30-нд ихэнх нутгаар, 25-26-нд шилжих шөнө нутгийн зүүн хагаст, 28-29-нд шилжих шөнө нутгийн баруун хагаст хүйтэрч хононо.