Хятадын эрх баригчид ирэх таван жилд Хятад улсад төрийн захиргааны барилга барихыг хориглосон ажээ. Уг үйл ажиллагаа нь  “мөнгө үрэхтэй тэмцэх”зорилгоор зохион байгуулагдаж байгаа хэмээн Синьхуа агентлаг өчигдөр мэдээлсэн байна.

 

Тус улсын албан байгууллагын олонхи нь  байшин барилгын хэм хэмжээг зөрчиж байгаа нь ХКН-ын дур төрхөд зохисгүй нөлөөлж, нийт олны дургүйцлийг төрүүлж байна хэмээн ХКН-ын бичиг хэргийн газруудын хамтарсан захирамжинд өгүүлжээ. Нам, төрийн бүх байгууллага хөрөнг мөнгөө эдийн засгийг хөгжүүлэх, ард олны аж байдлыг дээшлүүлэхэд чиглүүлэх ёстой хэмээн баримт бичигт онцолсон байна.

 

2012 оны сүүлээр ХКН-ын Ерөнхий нарийн бичгийн дарга Си Зиньпин УТТ-ны хуралдаан дээр үг хэлэхдээ “ажлынхаа арга барилыг өөрчилж, ард түмэнтэйгээ ойр байхыг” төрийн албан хаагчдаас шаардсан байна.Тэрээр удирдах ажилтнуудад хандаж ард түмний  итгэл, дэмжлэгийг хүлээхийн тулд тансаг амьдрахаас татгалзахыг уриалжээ.