Наймдугаар сарын 5-ны өдрийн байдлаар усны түвшин Хэнтий нурууны Онон, Эг, Балж, Барх, Ерөө, Хараа голууд 10-45 см, Сэлэнгэ мөрний дагууд 10-35 см, Орхон голын адгаар 20 см өмнөх өдрийнхөөс тус тус нэмэгдсэн байна.

Орхон /Сүхбаатар, Орхонтуул/, Хараа гол /Дархан хот/, Бэлтэс гол /Баянзүрх/, Үүр гол /Цагаан-Үүр/, Халх /Ялалт баг/, Хархираа /Тариалан/, Балж /Дадал/ орчимд үерийн түвшинг 10-80 см Хэрлэн гол /Чойбалсан/, Сэлбэ гол /Санзай, Дамбадаржаа/ орчимд үерийн түвшинг 5-10 см даван үерлэж байна. Харин ТУУЛ гол /Лүн сум/ орчимд үерийн аюултай түвшин 14 см буураж үерийн түвшинд шилжсэн байна.

Цаашид наймдугаар сарын 6-нд нутгийн хойд хагаст, 7-нд төвийн аймгуудын нутгийн хойд хэсэг, зүүн аймгуудын нутгийн зарим газраар бороо, дуу цахилгаантай аадар бороо орох төлөвтэй байна.

Иймд дээрх гол мөрний сав дагуу суурьшиж, нутаглаж буй малчид, тариаланчид , аж ахуйн нэгж байгууллага, ард иргэдийг үерийн аюулаас сонор сэрэмжтэй байхыг анхааруулж байна.

Ус цаг уур, орчны судалгаа, мэдээллийн хүрээлэн
Гадаргын усны судалгааны хэлтэс

2023-08-05