Наймдугаар сарын 18-ныг хүртэл үргэлжлэх энэхүү сургалт дадлага Улаанбаатар хот болон Орхон, Булган аймгуудад зохион байгуулагдах бөгөөд сургуульд оролцогч гадаадын цэргийн эмч, эмнэлгийн мэргэжилтнүүд болон Батлан хамгаалах, хууль сахиулах алба хаагчдын нэгдсэн эмнэлэг, Гэмтэл согог судлалын үндэсний төв, орон нутгийн эмнэлгийн ажилтан, эмч нар хамтран ард иргэдэд эмнэлгийн үнэ төлбөргүй тусламж үйлчилгээ үзүүлэх ажээ.

 

Түүнчлэн барилга инженерийн хүмүүнлэгийн ажлын хүрээнд Орхон аймгийн Баян-Өндөр сумын Говил багийн Ерөнхий боловсролын II сургууль, өрхийн эмнэлэг, Булган аймгийн IV цэцэрлэгүүдийн дээвэр, цонх зэргийг шинэчилж, засвар тохижилтын ажил өрнүүлэхээр төлөвлөжээ. Сургуульд Монголын талаас БХХСАХНЭ, Зэвсэгт хүчний 032, 186, 234, 017 дугаар анги, 110 дугаар салбарын 170 цэргийн алба хаагчаас гадна АНУ, Балба, Тайландын 70 гаруй эмч, хүмүүнлэгийн ажилтнууд оролцож байна.