Хүчирхийлэл үйлдэгчдийг албадан сургалтад хамруулна

Шуурхай:

Хүчирхийлэл үйлдэгчдийг албадан сургалтад хамруулна

2014-08-15 14:43:21

Хүчирхийлэл үйлдэгчдийн зан үйлд нөлөөлөх хөтөлбөрийг Нийслэлийн Цагдаагийн газрын албадан саатуулах баривчлах төвд хэрэгжүүлэхээр болжээ. Уг хөтөлбөрийг Эрчүүд Эрүүл гэр бүл төв, Хүчирхийллийн эсрэг үндэсний төв, Олон нийт цагдаагийн хамтын ажиллагааны төвтөй хамтран Хууль зүйн яамны санаачлага, дэмжлэгтэйгээр зохион байгуулж байна.

УИХ-ын намрын чуулганаар хэлэлцэгдэхээр болсон Гэр бүлийн хүчирхийлэлтэй тэмцэх тухай хуулийн шинэчилсэн найруулгын төсөлд Хүчирхийлэл үйлдэгчдийн зан үйлд нөлөөлөх хөтөлбөрийг сайн дурын болон албадан сургалтын хэлбэрээр хэрэгжүүлэхээр тусгасан. Мөн Гэмт хэргийн тухай хуулийн төсөлд гэр бүлийн хүчирхийллийн гэмт хэрэг үйлдсэн этгээдэд шүүхээс зан үйлд нөлөөлөх албадан сургалтанд хамрагдахыг даалгасан албадлагын арга хэмжээг ногдуулахаар тусгасан байна.

Дээрх хуулийн төсөлд тусгагдсан зан үйлд нөлөөлөх албадан сургалтын агуулгыг өмнөх жилүүдэд Хүчирхийллийн эсрэг үндэсний төвөөс боловсруулан туршиж байсан. Хүний хандлага зан үйлд нөлөөлөх өөрчлөгдөх сэдлийг төрүүлэх үйл явц нь агуулгаас ялгаагүй чухал гэж олон улсын төвшинд үздэг байна.

Иймээс энэ удаад Хүчирхийлэл үйлдэгчдийн зан үйлд нөлөөлөх хөтөлбөрийнхөө дараагийн шат руу шилжиж албадан сургалтыг зохион байгуулах аргачлал үйл явцын зэрэгцээ хохирогчдод үйлчилдэг хүчирхийлэл үйлдэгч эрчүүдийн зан үйлд нөлөөлөх хөтөлбөрийг хэрэгжүүлдэг болон хуулийн байгууллагуудын ажиллагааны механизмыг хэрэгжүүлэх гэж байна

Хүчирхийлэл үйлдэх нь хүний төрөлх араншин биш гэр бүл орчин нийгмээс сурсан зүйл нэгэнт олдмол зан үйл учраас түүнийг орхиж болно. Гагцхүү өөрчлөгдөх сэдлийг төрүүлэх дэмжлэг үзүүлэх нь чухал гэж хөтөлбөр хэрэгжүүлэгчид үзэж байна

Нийтэлсэн: О.Энхмаа

	Хүчирхийлэл үйлдэгчдийг албадан сургалтад хамруулна
Үзсэн: 1064	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.