Солонгос улсад амаржин үрийн зулай үнэрлээд удаагүй поп дива Ж.Алтанцэцэг энэ зуныг бяцхан охиноо харж, амралтын байдалтай өнгөрүүлжээ. Тэрээр саяханаас ажилдаа шуурхайлан орсон байна. Дуучин Ж.Алтанцэцэг удахгүй таван цомгийн баяраа зэрэг хийхээр зэхэж байгаа юм. Эдгээр цомогт дуучин бүсгүй ардын дуу, хүүхдийн дуу, хуучны болон шинэ уран бүтээл гээд өөрийн урын санд байгаа бүтээлүүдээсээ ангилан оруулах аж. Мөн нэг DVD цомог гаргах юм байна. Өнгөрсөн жил “Алтанцэцэг” тоглолтод дуулагдсан бүтээлүүд бүгд шинээр гарах таван цомогт нь багтах ажээ.