В.В.Путиний хагас өдрийн айлчлал /фото/

Шуурхай:

В.В.Путиний хагас өдрийн айлчлал /фото/

2014-09-04 10:02:53

ОХУ-ын Ерөнхийлөгч В.В.Путин Монгол Улсын Ерөнхийлөгч Ц.Элбэгдоржийн урилгаар Халх голын ялалтын 75 жилийн ойд зориулан өчигдөр манай улсад ажлын айлчлал хийлээ.

Хагас өдөр үргэлжилсэн айлчлал ОХУ-ын төрийн тэргүүнийг Чингисийн талбайд угтах ёслолоор эхэлсэн юм.

Үүний дараа Монгол Улсын Ерөнхийлөгч Ц.Элбэгдорж болон ОХУ-ын Ерөнхийлөгч В.В.Путин нар их эзэн Чингис хааны хөшөөнд хүндэтгэл үзүүлж, Хүндэт зочны дэвтэрт гарын үсэг зурсан юм.

Харин үүний дараа хоёр орны төрийн тэргүүнүүд ёслол хүндэтгэлийн гэр өргөөнд ганцаарчлан уулзсан.

Ганцаарчилсан уулзалтын дараа Монгол Улсын Ерөнхийлөгч Ц.Элбэгдорж болон ОХУ-ын Ерөнхийлөгч В.В.Путин болон бусад төлөөлөгчид албан ёсны хэлэлцээ хийсэн.

Албан ёсны хэлэлцээ дууссаны дараа төрийн тэргүүнүүд болон бусад төлөөлөгчид Монгол, Оросын харилцаа, хамтын ажиллагааны баримт бичигт гарын үсэг зурах ёслолд оролцсон юм.

ОХУ-ын төрийн тэргүүний айлчлалын Төрийн ордон дахь үйл ажиллагаа дууссаны дараа Халхын голын байлдааны ялалтын 75 жилийн ойг тохилдуулан зохион байгуулсан үдийн зоогт орсон юм.

Үүний дараа ОХУ-ын Ерөнхийлөгч В.В.Путин бусад төлөөлөгчдийн хамт Г.К.Жуковын хөшөөнд цэцэг өргөж, Г.К.Жуковын музейг үзэж сонирхсон юм.

Үүгээр ОХУ-ын Ерөнхийлөгч В.В.Путины манай улсад хийсэн ажлын айлчлал өндөрлөсөн бөгөөд Монгол Улсын Ерөнхийлөгч Ц.Элбэгдорж дараа дахин манай улсад айлчлахыг урисан юм.

Нийтэлсэн: О.Энхмаа

	В.В.Путиний хагас өдрийн айлчлал /фото/
Үзсэн: 2166	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.