Эрүүл мэндийн сайд теле хуралд оролцож буй нийт аймаг, дүүргийн эмнэлгийн эмч, мэргэжилтнүүдэд мэнд дэвшүүлэн, Эх, хүүхдийн эрүүл мэндийг дэмжих жилийн ажлын хүрээнд хийгдсэн ажлууд болон өнгөрсөн долоо хоногийн эх, хүүхдийн эрүүл мэндийн үзүүлэлтийг танилцуулав.

 

Хурлын үеэр "Оюутны эрүүл мэндийг дэмжих сар"-ын аяны хүрээнд зохион байгуулах үйл ажиллагааг танилцуулахаар өнгөрсөн долоо хоногт хэвлэлийн бага хурал болсон талаар танилцууллаа. Мөн “Эрүүл хот, дүүрэг, сум, баг, ажлын байр, сургууль бий болгох үндэсний хөтөлбөр”-ийн үйл ажиллагааны 2014-2016 оны төлөвлөгөөг гаргасан байна. Зөвлөлийн гишүүдийн саналыг бичгээр авч байгаа бөгөөд тун удахгүй гарсан шийдвэрийг бүх эмнэлгийн удирдлагуудад хүргүүлэхээ хэллээ.

 

Түүнчлэн энэ үеэр “Заавал хэвшүүлэх 21 дадал” гарын авлагыг орон нутагт айл өрхийн тоогоор тараах ажил амжилттай явагдаж байгааг сайшаагаад хурлын үеэр эмнэлгүүдэд тараах гарын авлагыг хүрэлцэн ирсэн удирдлагуудад нь хүлээлгэн өглөө.