Сурагчдын амралтад үргэлжилж байгаа учраас Боловсролын ерөнхий газраас сурагчид чөлөөт цагаараа ном хэрхэн унших талаар зөвлөмж гаргажээ. Ном унших  нь суралцагчдын сурлагын амжилтад  нөлөөлнө.

БАГА АНГИ

• Сурагчид бие даан унших чадварыг эзэмшиж, үгсийн сан, дүрмийн мэдлэгээ сайжруулж, ерөнхий ойлголт авах боломжтой болно.
• Ном унших нь тэдний анхаарал төвлөрөх чадварыг сайжруулж, шинэ зүйлсийг сонирхон суралцах хүсэл тэмүүллийг дэмжинэ.

ЗӨВЛӨМЖ

• Ном унших хугацаа: Өдөрт 20-30 минут унших хугацаа зааж өгөх. Хүүхдүүдийн нас сэтгэхүйн түвшинд тохирсон, сонирхол татахуйц, дүрслэлтэй номыг санал болгох.
• Тоглоомтой уншлага: Уншиж дууссаны дараа агуулгаас асуулт асууж, номын дүрүүдийн талаар ярилцан, хүүхдүүдийг өөрсдөө нэгэн өгүүлэмж зохиохыг уриалах.
• Санаачилгаас даалгавар: Номын агуулга болон өөрт тохиолдсон явдлаас сэдэвлэн жижиг өгүүллэг, зураг зурах, дүрс бүтээх...гэх мэт

ДУНД АНГИ

• Дунд ангийн суралцагчид илүү гүнзгий сэтгэх чадвартай болж, шүүмжлэлтэй хандах, өөрийн санаа бодлыг илэрхийлэх чадвар нь нэмэгддэг.
• Ном унших нь үзэл бодлын төлөвшил, асуудал шийдвэрлэх чадварыг сайжруулна.

ЗӨВЛӨМЖ

• Номын төрөл: Үндсэн хичээлтэй холбоотой ном, шинжлэх ухаан, түүх болон нийгмийн сэдвийн хүрээнд уншуулах.
• Асуулт, хариулт: Номыг уншсаны дараа агуулгаас баримт асууж, тодорхой нэгэн асуулт тавьж, тухайн номын агуулгыг харгалзан хариулт авах.
• Төслийн ажил: Номын агуулгаас санаа авч, гэртээ хийж болох жижиг төслийн ажил хуваарилах (жишээ нь, байгаль орчны хамгааллын сэдэвт зориулсан төслийг хийх).

АХЛАХ АНГИ

• Ахлах ангийн суралцагчид шүүмжлэх сэтгэлгээ, бодлогын шийдвэр гаргах чадвараа хөгжүүлж, илүү нарийн төвөгтэй агуулга дээр ажиллахад бэлэн болдог.
• Ном унших нь тэдний сэтгэхүйг гүнзгийрүүлж, бүтээлч сэтгэлгээ, амьдралд хэрэгжүүлэх ухааныг олж авахад тусална.

ЗӨВЛӨМЖ

• Бүтээлч уншлага: Номын агуулгад шүүмжлэлтэй хандаж, эсээ бичих эсвэл тухайн номын гол сэдэвтэй холбоотой илтгэл бэлдэх.
• Өргөн хүрээтэй ном: Шинжлэх ухаан, философи, эдийн засаг зэрэг өргөн хүрээний номуудаас уншихыг дэмжих. Үүний тулд номын сангийн жагсаалт эсвэл тухайн сэдвийн чиглэлээр уншигдах номыг санал болгох.
• Хэлэлцүүлэг хийх: Ном уншиж дууссаны дараа хэсэг бүлгээрээ илтгэл тавих эсвэл зөвлөмж хийх үйл ажиллагааг зохион байгуулах. Энэ нь үзэл бодлыг өргөн хүрээний байр сууринаас дүгнэхэд тусална.