Сургууль, цэцэрлэгийн чанар хүртээмжийг нэмэгдүүлэх, сурагчдыг ая тухтай орчинд боловсрол эзэмшүүлэх, багш ажилтнуудын ажиллах орчин нөхцөлийг сайжруулах, хамрах тойргийн сургууль, цэцэрлэгийн хүртээмжийг нэмэгдүүлэх зорилгоор бүтээн байгуулалтын ажил хийж байна. 

Тухайлбал, Сүхбаатар дүүргийн 16 дугаар хороонд байрлах 50 ортой цэцэрлэгийн барилгын ажил дуусаж, ашиглалтад орлоо. 

Тус барилга нь хоёр давхар бөгөөд тэнхлэгээрээ 18.0м x16.0м хэмжээтэй, бүлгийн анги танхим, багш ажилчдын өрөө, дуу хөгжмийн болон хөгжмийн зэмсгийн өрөө, гал тогоо, хоол түгээх өрөө зэрэг тасалгаануудаас бүрдсэн. Мөн цэцэрлэгийн барилгад галын дохиолол, камержуулалт суурилуулж, халаалтыг цахилгаанаар шийдсэн бөгөөд бүх анги танхимыг стандартын дагуу хийж гүйцэтгэсэн. 

Тус бүтээн байгуулалтыг улсын төсвийн хөрөнгө оруулалтаар "Вилла бридж ХХК" гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллалаа.