Японы засгийн газрын дэргэдэх шинжээчдийн баг өнгөрөгч баасан гарагт Фүжи галт уул оргилох тохиолдолд нийслэл Токио болон ойролцоох мужийн ард иргэд аль болох удаан хугацаагаар гэртээ бүгэх нь зүйтэй гэсэн зөвлөмж гаргажээ.

Токиогийн их сургуулийн хүндэт профессор Тошицүгү Фужии тэргүүтэй шинжээчдийн зөвлөлийн энэ зөвлөмжид нийслэлийн дэвсгэр газарт оршдог японы хамгийн өндөр галт уул дэлбэрвэл тэндээс цацагдах үнс нурамнаас сэргийлэхтэй холбоотой суурь зөвлөмжүүд багтсан байна. Үнс нурамны зузаан 30см-т хүрэх тохиолдолд бороо цас орсоноор улам хүндэрч модон байшингууд нурж болзошгүй тул Засгийн газраас нүүлгэн шилжүүлэлт зарлах юм байна.

Ийм маягаар гамшгийн үеийн дөрвөн шатлалт арга хэмжээг тус зөвлөмжид багтаажээ. Фүжи уул 300 гаруй жилийн тэртээ буюу 1707 онд хамгийн сүүлд оргилсон байна. Тухайн үеийнх шиг дэлбэрэлт болох нөхцөлд Токио хот, Канагава муж болон бусад газар 10 см-с зузаан үнс нурманд дарагдаж болзошгүй гэж мэргэжилтнүүд үзэж байна.