Ю.Цэдэнбал агсны хөшөөнд хүндэтгэл үзүүлэв

2014-09-17 17:03:20

Нам төрийн нэрт зүтгэлтэн Ю.Цэдэнбал агсны мэндэлсний 98 жилийн ой өнөөдөр тохиож байна. Үүнтэй холбогдуулан МАН-ын Ерөнхий нарийн бичгийн дарга Ж.Мөнхбат, УИХ дахь МАН-ын бүлгийн дарга С.Бямбацогт, МАХН-ын удирдлагууд болоод Ю.Цэдэнбал агсны төрөл төрөгсөд болох түүний төрсөн дүү 89 настай Аюуш, 86 настай Жавжмаа, ач охин Анастасия Зоригов нар түүний хөшөөнд цэцэг өргөн, хүндэтгэл үзүүллээ.

Түүнчлэн Ю.Цэдэнбал агсны 100 жилийн ойг тохиолдуулан МАН-аас УИХ-ын гишүүн, МАН-ын нарийн бичгийн дарга Ч.Хүрэлбаатараар ахлуулсан ажлын хэсэг байгуулан ажиллаж байгаа аж. Тус ажлын хэсэг 2016 онд тохиох Ю.Цэдэнбал агсны мэндэлсний 100 жилийн ойг илүү өргөн цар хүрээтэй тэмдэглэхээр зорьж байгаа ажээ.

Нийтэлсэн: О.Энхмаа

	Ю.Цэдэнбал агсны хөшөөнд хүндэтгэл үзүүлэв
Үзсэн: 1763	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.

112.72.13.xxx [112.72.13.xxx] 2014-09-19 07:45

цэдэн бал дарга үхсэн хойноо ч үй түмэн амьтаныг тэжээх тавилантай амьтан байжээ. өөрт нь хувийн амьдрал гэж байгаагүй цэдэнбал дарга амьдадаа нэг нүдээр үздэггүй байсан луйварчид, бялдуучид, нэр төр хөөцөлдөгчид өөрийг нь өөрсдийгөө пиардах хэрэгсэл болгож ашиглана гэж төсөөлөө ч үгүй явсан биз дээ. ирония. 10-д жилийн өмнө зориг хүү нь монголд амьдрал олж авчих санаатай их олон хүн царайчилж явсан. ховдын хүчит гэдэг залуу дагуулаад их явсан. хэн ч туслаагүй. тэр үед нар хаана явсан бэ? за яаахав та нар өөрсдийгөө гоёход ашигладаг л юм байж. наад муу охинд нь л туслахыг бодоорой

0 0 Хариулах