Үндэсний телевиз
Цагийн хүрд
Найм арваннэг
Энэ сард тариаланчид болон салбарын яам улаанбуудайн үнийг ямар байх талаар харилцан ойлголцож чадаагүй тул маргаан үүсээд байсан.
Үүнтэй холбогдуулан ҮХААЯ-ны холбогдох албаныхан болон тариаланчид, гурил үйлдвэрлэгчид хуралдаад үтрэм нөхцөлөөр тонн улаанбуудайн үнийг 550 мянган төгрөг байхаар тогтсон гэдгийг мэдээллээ. Тэгэхдээ улаанбуудайн үнийг дагаж гурилын үнэ өсч болзошгүй учраас салбарын яамнаас нэгдүгээр гурилын бөөний үнийг 850 төгрөгөөс хэтрүүлэхгүй байхаар гурил үйлдвэрлэгчидтэй тохиролцсон байна.
Одоогийн байдлаар зах зээлд “Алтан тариа” компанийн кг нэгдүгээр гурил 810, “Хангай миллс” компанийнх 840 төгрөгөөр нийлүүлдэг. Нөгөөтэйгүүр, Засгийн газраас Монголбанктай хамтран хэрэгжүүлж буй “Гол нэрийн бараа бүтээгдэхүүний үнийг тогтворжуулах хөтөлбөр”-т өнгөрсөн жил гурилын 26 компани хамрагдаж, нийт 48 тэрбум төгрөгийн хөнгөлөлттэй зээл авсан. Эл хөтөлбөрт хамрагдсан үйлдвэрүүд нэгдүгээр гурилын үнийг бүтэн жилийн турш 850 төгрөгт барина хэмээн тооцож байна. Энэ хүрээнд ч гурилын үнийг хэрхэн тогтвортой байлгах талаар яамны холбогдох албаныхан ажиллаж байгаа ажээ.
| Тариаланчидтай тохиролцож, гурилын үнийг тогтвортой байлгана гэв | ||
| Үзсэн: 704 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.