"UEFA"-гийн Аваргуудын лигийн шинэ улирлын хэсгийн хоёр дахь тойргийн тоглолтууд манай цагаар урд шөнө эхэллээ. Энэ удаад F, E хэсгийн тоглолт сонирхолтой болсон юм. Хоёрдугаар тойргийн тоглолтын хүрээнд "Парис Сэйнт Жермейн" талбай дээрээ алдарт "Барселона"-г хүлээн авч, 3:2-оор өндөрлүүлснээр маш хэрэгтэй хожлоо авсан юм. Ингэснээр тэд F хэсгийг дөрвөн оноотой тэргүүлж эхэллээ. 

Харин "Барса" өнгөрсөн шөнө хожигдол хүлээснээр гурван оноотой, хэсгийн хоёрдугаар байрт явна. Урд шөнө болсон тоглолтуудаас "Манчестер Сити" болон "Рома" багуудын тоглолт мөн сонирхол татам боллоо. Эхний тоглолтоо хожигдлоор эхлүүлсэн "Манчестер Сити" энэ удаад талбай дээрээ Италийн багтай 1:1-ээр тэнцэж, оноо алдсан. Ингэснээр “Ситизен”-чүүд ердөө нэг оноотойгоор Е хэсгийн гуравдугаар байрт эрэмбэлэгдэж байна. "Сити" дараагийн тоглолтдоо хожил авч чадахгүй, эсвэл ямар нэгэн байдлаар оноо алдвал тэдний хувьд нөхцөл байдал тун хүнд болно. Е хэсгийн нөгөө зоонд "Байерн Мюньхэн" өрсөлдөч "ЦСКА Москва"-г 0:1-ээр буулган авснаар зургаан оноотой болж, Е хэсгээ тэргүүлж эхэллээ.

Европын хөлбөмбөгийн холбооны хамгийн нэр хүндтэй тэмцээн болох аваргуудын лигийн бусад тоглолтуудыг эргэн мэдээлэх болно.