Английн премьер лигийн зургаадугаар тойргийн эхний тоглолтууд бямба гарагт буюу /10.04 өдөр/ боллоо. Энэ улирлыг амжилттай эхлүүлээд байсан “Астон Вилла” клуб талбай дээрээ өнгөрсөн жилийн аварга “Манчестер Сити”-г хүлээж авсан тоглолт олны анхаарлын төвд байсан юм. Энэхүү тоглолтод зочид арай илүү байж, өрсөлдөгчөө тоглолтын төгсгөлд хоёр гоолоор илүүрхэн буулгаж авлаа.
Тоглолтын 82 дахь минутад Яая Туре солгой хөлөөрөө гайхалтай нэгэн гоолыг оруулаад байтал 88 дахь минутад Сержио Агуэро нэгийг нэмсэн. Ингэснээр “Сити”-гийн довтлогч улирлын тав дахь гоолоо оруулж байгаа юм. “Сити” нэмж гурван оноо авснаар 14 оноотой болж, хоёрдугаар байр руу орж ирлээ. Хүснэгтийн эхэнд “Саутгэмптон” бичигдэж байгаа. Ирэх ням гарагт “Саутгэмптон” клуб хожих эсэхээс хамаарч тэдний байр нэгээр ухрах уу гэдэг нь шийдэгдэнэ.