Дэлхийн кино урлагийн хамгийн нэр хүндтэй шагнал гардуулах ёслол болох Оскарын 98 дахь наадам АНУ-ын Лос Анжелес хотын Долби театрт эхэлж, 2025 онд дэлгэцнээ гарсан шилдэг кино бүтээлүүдийг шалгаруулж байна. Ёслолыг хошин урлагийн жүжигчин Конан О’Брайен хөтөлж, нийт 24 төрөлд шагнал гардуулна.

Энэ жилийн наадамд хамгийн олон нэр дэвшилт авсан бүтээл бол Sinners кино бөгөөд 16 номинацид нэр дэвшиж, өрсөлдөөнийг тэргүүлж байна.

Ёслолын эхний шагналууд тодроод эхэлсэн бөгөөд шилдэг туслах эрэгтэй жүжигчин-ээр One Battle After Another киноны дүрээр Шон Пенн, шилдэг туслах эмэгтэй жүжигчин-ээр Weapons киноны дүрээр Эми Мэдиган тодорчээ.

Мөн энэ удаагийн наадмаас кино урлагт анх удаа “Кастинг” төрөл нэмэгдсэн бөгөөд анхны ялагч нь One Battle After Another киноны кастинг найруулагч Кассандра Кулукундис болж байна.

Одоогоор шалгарсан шилдэгүүд:

• Шилдэг туслах эрэгтэй жүжигчин: Шон Пенн, One Battle After Another

• Шилдэг туслах эмэгтэй жүжигчин: Эми Мэдиган, Weapons

• Шилдэг анхны зохиол: Райан Куглер, Sinners

• Шилдэг зохиолоос хөрвүүлсэн кино: Пол Томас Андерсон, One Battle After Another

• Шилдэг хүүхэлдэйн кино: Kpop Demon Hunters

• Шилдэг хүүхэлдэйн богино хэмжээний кино: The Girl Who Cried Pearls

• Шилдэг хувцасны загвар: Кейт Хоули, Frankenstein

• Шилдэг продакшн дизайн: Тамара Деверелл болон Шейн Вьеау, Frankenstein

• Шилдэг нүүр хувиргалт, үс засалт: Майк Хилл, Жордан Самуэл болон Клоина Фюрей, Frankenstein

• Шилдэг кастинг: Кассандра Кулукундис, One Battle After Another

• Шилдэг амьд дүрийн богино хэмжээний кино (тэнцсэн): The Singers, Two People Exchanging Saliva

• Шилдэг визуал эффект: Жо Леттери, Ричард Бэнехам, Эрик Сайндон болон Даниэл Барретт, Avatar: Fire and Ash

Эдгээр бүтээлүүд нь жүжигчдийн авьяас, продакшн дизайн, техник, визуал эффектийн өндөр түвшин болон кино урлагийн олон талын ур чадварыг харуулж байна.

Оскарын наадам үргэлжилж байгаа бөгөөд үлдсэн гол шагналуудын эзэд ёслолын үеэр тодорно. Харин үзэгчдэд бол, эхний шагналуудын ачаар наадам эхэлсэн цагаас нь л сонирхол, догдлол дүүрэн болжээ.