Итали улсад болж буй волейболын эмэгтэйчүүдийн ДАШТ-ий гуравдугаар тойрогт өрсөлдөх зургаан баг тодорлоо. “Е” хэсгээс Итали, БНХАУ, БНДоминикан улс болон “F” хэсгээс Бразил, АНУ, ОХУ-ын багууд цааш өрсөлдөх эрхийг авлаа.

"Е" хэсэгт багтсан Японы шигшээ баг сүүлийн тоглолтод Доминиканы багийг 3:2-ын харьцаагаар хожсон ч цааш тоглох эрхийг авч чадсангүй. Японы бүсгүйчүүдийн хувьд Хорват (3-2), Германыг (3-2) хожсон ч Италид 0-3-аар хожигджээ.

Харин "E" хэсэгт багтсан ОХУ-ын баг сүүлийн тоглолтод 3-0-ээр Сербийн багийг буулган авснаар хасагдах аюулаас мултарсан юм. ОХУ-ын баг Турк (2-3), Бразилийн (1-3) багуудад хожигдсон нь сүүлийн 28 жилийн дотор дараалан хоёр хожигдсон тохиолдол боллоо. Гэвч тэд хэсгийн сүүлийн тоглолтдоо гуравт бичигдэж байсан Сербийн багийг 3-0 (28-26, 25-18, 25-17) онооны харьцаагаар хожиж, 13 оноотой болсноор дараагийн тойрогт шалгарсан юм.