Сүүлийн өдрүүдэд Афганистанд дараалсан халдлага гарч, тус улсын аюулгүй байдлын нөхцөл дахин олон улсын анхаарал татаад байна.

Тодруулбал, гуравдугаар сарын 22-23-ны хооронд Афганистанд аюулгүй байдлын эрсдэл нэмэгдэж, зарим бүсэд хамгаалалтын арга хэмжээ чангатгажээ. Олон улсын хэвлэлүүдийн мэдээлснээр Афганистаны зүүн бүсэд зэвсэгт халдлага гарсан бол гуравдугаар сарын 22-нд Кабул хотод дэлбэрэлт бүртгэгдэж,  аюулгүй байдлын албаныхан бүсийг хамгаалалтад авч, иргэдийг нүүлгэн шилжүүлэх арга хэмжээ хэрэгжүүлсэн байна.

Урьдчилсан мэдээллээр энгийн иргэд болон аюулгүй байдлын алба хаагчид шархадсан бөгөөд хохирлын нарийвчилсан тоо тодорхой болоогүй байгаа аж.

Мөн Афганистаны зүүн бүсэд зэвсэгт халдлага гарч, аюулгүй байдлын хүчнийхэн шалгалтын ажиллагаа эхлүүлсэн гэж дурдсан байна. Хохирлын талаарх мэдээлэл бүрэн тодорхой болоогүй ч орон нутгийн нөхцөл байдал тогтворгүй хэвээр байна.

Үүнтэй зэрэгцэн Афганистанд зэвсэгт бүлэглэлүүдийн идэвхжил нэмэгдэж буйг олон улсын хэвлэлүүд онцолж, ялангуяа “Исламын улс-Хорасан” бүлэглэлтэй холбоотой халдлагын эрсдэл өссөн гэж шинжээчид үзэж байна.

Афганистаны нөхцөл тогтворгүй байгаатай холбоотойгоор Пакистан, Иран зэрэг хөрш орнууд хил орчмын аюулгүй байдлаа чангатгаж эхэлжээ.

Мөн тогтворгүй байдал нэмэгдвэл дүрвэгсдийн урсгал нэмэгдэж, бүс нутгийн аюулгүй байдалд нөлөөлөх эрсдэлтэйг НҮБ болон Ройтерс агентлагууд анхааруулсан байна.

Ийнхүү Афганистанд сүүлийн өдрүүдэд дараалсан халдлагууд гарсан нь тус улсын аюулгүй байдлын нөхцөл бүрэн тогтворжоогүй хэвээр байгааг харуулж, бүс нутгийн тогтвортой байдалд дахин анхаарал хандуулах шаардлага үүсчээ.