Үндэсний телевиз
Цагийн хүрд
Найм арваннэг
Лхагва гарагт АНУ-ын Сенат Ирантай холбоотой цэргийн ажиллагааг хязгаарлах тогтоолын төслийг хэлэлцсэн ч дэмжсэнгүй.
Санал хураалтаар 47-52 харьцаагаар уг тогтоол унаж, Ерөнхийлөгч Donald Trump-ын явуулж буй бодлогыг үргэлжлүүлэх боломж хэвээр үлдлээ.
Тогтоолын төсөл нь Конгрессын зөвшөөрөлгүй эхэлсэн цэргийн ажиллагааг зогсоох, Ерөнхийлөгчийн дайны эрх мэдлийг хязгаарлах зорилготой байв. Ардчилсан намын гишүүд уг ажиллагааг хууль зөрчсөн, шаардлагагүй гэж үзэж байгаа бол Бүгд найрамдах намын олонх нь Ираны аюул заналхийллийг онцолж, Ерөнхийлөгчийн шийдвэрийг дэмжсэн байна.
Гэсэн ч зарим сенатор дайны явц, эрх зүйн үндэслэлд болгоомжтой хандаж, цаашид Конгрессын албан ёсны зөвшөөрөл авах шаардлагатайг илэрхийлжээ.
АНУ-ын хууль тогтоомжийн дагуу Ерөнхийлөгч Конгрессын зөвшөөрөлгүйгээр цэргийн ажиллагаа явуулах хугацаа 60 хоногоор хязгаарлагддаг бөгөөд энэ хугацаа ойртож буй нь улс төрийн маргааныг нэмэгдүүлж байна.
Ийм нөхцөлд Конгрессын гишүүд цаашид дайныг үргэлжлүүлэх эсэх, эсвэл албан ёсны зөвшөөрөл олгох асуудлыг дахин хэлэлцэх шаардлагатай гэж үзэж эхэлжээ.
| АНУ-ын Сенат Ираны дайныг зогсоох тогтоолыг дэмжсэнгүй | ||
| Үзсэн: 148 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.