Итали улсад болж буй эмэгтэйчүүдийн гар бөмбөгийн дэлхийн аварга шалгаруулах тэмцээний эргэн тойрон дахь мэдээллийг хүргэж байгаа билээ. Италийн ДАШТ-ний хагас шигшээ зургаан багийн тоглолт болж байна. Өнөөдөр тэмцээний 17 дахь өдөр гуравдугаар тойргийн эхний тоглолтууд болж байна. Энэ өдөр Милан хотын “Mediolanum Forum” цэнгэлдэх хүрээлэнд болсон тоглолтод Итали, Бразилын хүчтэй багууд өрсөлдөгчөө хожиж, гурван оноогоо авлаа.

“G” хэсгийн Итали-АНУ-ын тоглолтод талбайн эзэд 3:0(25:23, 25:22, 25:20) онооны харьцаагаар хожиж, гурван оноогоо бүтнээр нь авлаа. 11 мянган хөгжөөн дэмжигчдийнхээ өмнө Италийн волейболчид хүчтэй байж, нэг ч сет алдсангүй.

“Н” хэсгийн Бразил-БНХАУ-ын тоглолтод энэхүү дэлхийн аваргад хожигдолгүй яваа Бразилын бүсгүйчүүд 3:0 (25:19, 25:16, 25:15) онооны харьцаагаар хожиж, мөн гурван оноогоо авлаа.

Үргэлжлүүлэн “G” хэсгийн АНУ-ОХУ, “H” хэсгийн БНХАУ-Доминикан улсын багууд тоглох бол маргааш сүүлийн хоёр тоглолт болж, Итали-ОХУ, Бразил-Доминкан улсуудын тоглолтоор медалийн төлөө өрсөлдөх дөрвөн баг тодрох юм.