Засгийн газрын бүрэлдэхүүний асуудлыг хэлэлцэж байна

2014-10-14 09:37:20

Засгийн газрын яамдын бүтцийг оновчтой тогтоож, чиг үүргийн давхардалгүй ажиллах үүднээс Ерөнхий сайд Засгийн газрын бүтцийн асуудлыг өргөн барьж УИХ-аар баталсан. Үүний дагуу өчигдөр Засгийн газрын Хэрэг эрхлэх газрын дарга Засгийн газрын бүрэлдэхүүн буюу сайд нарын асуудлыг УИХ-д өргөн барьсан юм.

Нэгэнт яаралтай гэсэн тодотголоор хэлэлцэж байгаа тул өчигдөр өргөн барьсан Засгийн газрын бүрэлдэхүүнд өөрчлөлт оруулах тухай саналыг яг одоо Төрийн байгуулалтын байнгын хороогоор цаашид үргэлжлүүлэн хэлэлцэх эсэх асуудлыг хэлэлцэж байна.

Үүний дараа чуулганы нэгдсэн хуралдаан болж мөн уг асуудлыг хэлэлцэх юм. Шинээр батлагдсан бүтцийн дагуу Гадаад харилцааны яамыг Гадаад харилцаа, эдийн засгийн хамтын ажиллагааны яам, Барилга хот байгуулалтын яам, Зам тээврийн яамыг Зам тээвэр, барилга хот байгуулалтын яам, Эрчим хүчний яам, Уул уурхайн яамыг Уул уурхай, эрчим хүчний яам болгож өөрчилсөн. Тиймээс Засгийн газрын бүрэлдэхүүнд Гадаад харилцаа, эдийн засгийн хамтын ажиллагааны сайд, Зам тээвэр, барилга хот байгуулалтын сайд, Уул уурхай, эрчим хүчний сайд байх өөрчлөлт орж байгаа юм.

Ингэснээр Засгийн газар Ерөнхий сайд, Шадар сайд болон 14 сайдын бүрэлдэхүүнтэйгээр ажиллахаар болж байгаа юм.

Нийтэлсэн: О.Энхмаа

	Засгийн газрын бүрэлдэхүүний асуудлыг хэлэлцэж байна
Үзсэн: 980	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.