Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2026 оны 7 дугаар сарын 27-31-ний өдрүүдэд авлига, ашиг сонирхлын зөрчил, авлигын гэмт хэргээс урьдчилан сэргийлэх чиглэлээр Эрүүл мэндийн даатгалын сангийн хөрөнгийн 2024-2026 оны зарцуулалт, эрүүл мэндийн байгууллагуудад санхүүжилт олгож буй явц, иргэн, хуулийн этгээдээс ирүүлсэн өргөдөл, гомдлын шийдвэрлэлт, эрх бүхий байгууллага албан тушаалтнаас баталсан тогтоол, шийдвэр, дүрэм, журамд дүн шинжилгээ хийж ажиллаж байна.

Төрийн байгууллагын хүнд суртал, чирэгдэл, төрийн албан хаагчийн ёс зүйн асуудлаар иргэн, аж ахуйн нэгж, байгууллагаас ирүүлсэн 3 гомдол, мэдээллийг хянан шалгаж, авлигын эсрэг сургалтад нийт 110 албан тушаалтныг хамрууллаа гэж АТГ-аас мэдээллээ.