Төмөр замын тээврийн хуулийн төслийн анхны хэлэлцүүлгийг өнөө өглөө Эдийн засгийн байнгын хороогоор хэлэлцсэн юм. Ингэхдээ БНХАУ-тай Засгийн газар хоорондын дээрх хэлэлцээр байгуулсан тохиолдолд Тавантолгой-Гашуунсухайт, Сайншанд- Замын-Үүд, Хөөт-Бичигт чиглэлийн төмөр замын шинэ шугамыг 1435 мм-ийн царигтай, Арц суурь-Эрдэнэт, Тавантолгой-Сайншанд-Баруун-Урт-Хөөт-Чойбалсан, Хөөт-Нөмрөг чиглэлийн төмөр замын шинэ шугамыг 1520 мм-ийн царигтай барих саналыг олонхийн саналаар дэмжсэн юм.

 

Чуулганы хуралдааны эхэнд байнгын хорооны санал дүгнэлтийг УИХ-ын гишүүн Б.Гарамгайбаатар танилцууллаа. Танилцуулгатай холбогдуулан УИХ-ын О.Баасанхүү асуулт асуусан юм. Тэрээр оруулж ирсэн энэ чиглэлд заасан цариг нь зарим талаар Төрөөс төмөр замын талаар баримтлах бодлоготой зөрчилдөж байна гэсэн саналыг хэлсэн.

 

Харин УИХ-ын гишүүн Б.Гарамгайбаатар "Монгол Алт" компанийн хүсэлтээр тогтоолын төсөлд МАК-аас Шивээхүрэн чиглэлд нарийн царигтай төмөр зам тавих хүсэлт тавьсныг хавсаргасан. Гэхдээ хувь гишүүний хувьд энэ нь бодлогын баримт бичигтэй зөрчилдөж байгаа гэдэгтэй санал нэг байна гэсэн юм. Гишүүдийн асуулт үргэлжилж байна.