-М.Зоригт гишүүний туслахыг ТЕГ дуудсан талаар бид мэдээлэл авсан. Ганцхан М.Зоригт гишүүний туслахтай уулзсан юм биш. Хэд хэдэн гишүүний туслахтай уулзаж ирсэн мессежийн талаар тодруулга авсан. Тэгэхээр энэ бол тийм ч ноцтой асуудал байгаагүй.

 

-Өнөөдөр бүлгийн хуралдаанд суугаагүй. Гэхдээ шалтгаан нь энэ асуудалтай холбоогүй. Өчигдөр Баруун-Уртын авто замын нээлтэд оролцоод үүрээр ирсэн учраас бүлгийн хуралд оролцож чадахгүй нь гэдгээ надад утсаар мэдэгдсэн.

 

-Өдөр тутмын сонинд тэр гишүүдийн нэр нь гарчихсан байна лээ. Та нар очоод өөрсдөөс нь асуучих л даа.  Өнөөдөр бүлгийн хурал дээр Б.Болор гишүүн "Намайг тэр Ерөнхий сайдыг огцруулах саналд нэгдсэн гэсэн мэдээлэл гарсан байна. Би гарын үсэг зураагүй. Ийм мэдээлэл хаанаас гараад байгаа талаар шалгуулмаар байна" гэж хэлсэн. Тэгэхээр ингэж худал мэдээлэл цацах сайн зүйл биш. Нам доторх үл ойлголцол юунд ч хүргэж болно. Асуудал цаашаа яаж үргэлжлэхийг би мэдэхгүй байна.

 

-Тавантолгойн менежментийн хувьчлалын асуудаар Засгийн газрын тогтоол гарсан. Энэ тогтоолоор Тавантолгойд менежментийн хувьчлал хийх компаниудад тендер зарлагдсан байгаа. Эцсийн хугацаа нь 11 дүгээр сарын нэгэнд дуусах юм. Болж өгвөл энэ өвөлдөө багтаагаад Тавантолгойд менежментийн хувьчлал хийгээд шалгарсан компаниуд нь шуурхай ажиллаад явчихвал зүгээр байгаа юм.

 

-Ж.Батзандан гишүүнийг намаас хөөх асуудал бүлэг дээр яригдаагүй. Ямар нэг байдлаар намаас хөөх дүрмийн зөрчлийн асуудал үүсээгүй. Тийм учраас бүлгийн хуралдаанд зүгээр оролцоод л явж байгаа.

 

-Төсөв хэлэлцэх хуулийн хугацаа бол 11 дүгээр сарын 15. Төсвийг хэтрүүлж хэлэлцэнэ гэдэг хуулийн санкц байхгүй. Хугацааны хувьд маш тулгуу байгаа. Би анхнаасаа л хэлж байсан. Гэхдээ хугацаанд баригдаад түүхий төсөв хэлэлцэх эрх УИХ-д байхгүй гэж ойлгож байна. Асуудал үүсэж байгаа бүх зүйлийг ярилцаад цаашаа явна.

 

-Нэг талаасаа бид зардлаа танах тухай ярьчихаад нөгөө талаасаа царцаасан барилгуудад хөрөнгө оруулалт хийхийг шаардаж байна гэдэг бол ярьсан зүйлээ үгүйсгэж байгаа хэрэг. Ер нь энэ царцаасан барилгууд 2012 оны сонгуулийн өмнө УИХ-ын зарим гишүүн ямар ч хяналтгүй дур зоргоороо баахан обьект барьж эхлээд түүнийгээ санхүүжүүлэх эх үүсвэргүй болоод зогссоноос үүссэн юм. Энэ үлдэгдлийг нөхөж хийхэд хоёр их наяд төгрөг хэрэгтэй. Ийм хэмжээний мөнгө санхүүгийн боломж байхгүй гэдгийг хаа хаанаа ойлгох хэрэгтэй.

-Төсвийн тогтвортой байдлын тухай хууль гишүүдийн гуравны хоёроор батлагдах ёстой. Олонх нийлээд гуравны хоёрыг бүрдүүлж чадахгүй байгаа. Бид МАН-аас олон удаа гуйж байгаа. УИХ-аас бид өөрсдөө таван тэрбум долларын бонд босгох шийдвэр гаргачихсан. 1.5 тэрбум ам.долларыг нь босгосон, үлдсэн 3.5 тэрбум ам.долларыг авъя гэхээр УИХ-д зөрчил үүсээд байгаа юм. Тиймээс улс орныхоо эдийн засгийг бодоод эрүүлээр ярья гэхээр МАН үгүй гээд байгаа юм. Нэгэнт үгүй гээд байгаа бол бид өөрсдийнхөө бололцоог ашиглая гэж байгаа юм. Үнэндээ улс төрийн энэ тогтворгүй байдлаас болоод гадаадын зээл, хөрөнгө оруулалт хүлээлгэд орчихоод байна. Манай улсад хөрөнгө оруулахгүй гэсэн хүн байхгүй. Харин ганцхан улстөрийн тогтворгүй байдлаас болоод л хүлээлт үүсээд байгаа юм.