Үндэсний телевиз
Цагийн хүрд
Найм арваннэг
Өнөөдөр Дүүргийн иргэний хэргийн анхан шатны нэгдүгээр шүүхээс цагдаагийн ерөнхий газрын дарга Б.Билэгтийг ажилд нь эргүүлэн томилох шийдвэр гарсныг мэдээллээ. Дүүргийн иргэний хэргийн I шүүх уг асуудлыг хэлэлцээд ажлаасаа үндэслэлгүй чөлөөлөгдсөн ЦЕГ-ын дарга Б.Билэгтийг үүрэгт ажилд нь эргүүлэн томилохыг Засгийн газарт даалгаж ажилгүй байсан гурван сарын цалин буюу гурван сая 817 мянган төгрөгийг буцаан олгохыг даалгалаа.
Мөн Дүүргийн иргэний хэргийн I шүүхийн шийдвэрийг Засгийн газар эсэргүүцэн давж заалдсан ч анхан шатны шүүхийн шийдвэрийг өчигдөр хэвээр үлдээсэн байна.
Цагдаагийн ерөнхий газрын дарга Б.Билэгтийг гадаадад явах хойгуур нь Засгийн газрын ээлжит хуралдаанаар хэлэлцэж үүрэгт ажлаас нь чөлөөлөөд байсан юм. Түүний оронд Цагдаагийн Ерөнхий газрын тэргүүн дэд дарга С.Баатаржавыг түр орлон гүйцэтгэгчээр томилж дараа нь жинхэлсэн байдаг. Тэгвэл Б.Билэгт Засгийн газрын шийдвэрийг хууль бус гэж үзэн шүүхэд хоёронтоо хандсаны эцэст ажилдаа эргэн орохоор боллоо.
| Б.Билэгт ажилдаа эргэн орно | ||
| Үзсэн: 3152 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.