Үндэсний телевиз
Цагийн хүрд
Найм арваннэг
Өнөөдөр намрын адаг сарын билгийн тооллын 22. Бурхан багш төрөл таалсан ээжийнхээ ачийг хариулахаар 33 тэнгэрийн орноо залран очиж, ээждээ болон бусад тэнгэрүүдэд гурван сарын турш ном айлдаж, ханьцашгүй дээдийн номын өглөгөөр ээжийгээ орчлонгоос гэтэлгэж, нирвааны хутагт хүргэн ээжийнхээ ачийг хариулаад намрын адаг сарын 22-ны өдөр 33 тэнгэрийн орноос эргэж Замба тивд залран ирсэн түүхтэй.
Тэр цагаас хойш намрын адаг сарын 22-ны өдрийг "Эхийн ачийг хариулсан их дүйчин өдөр" хэмээн Бурханы шашинт орнууд өргөн дэлгэр тэмдэглэж, энэ өдөр эцэг, эхийн ачийг санаж, буян номд шамддаг уламжлал тогтжээ. Энэ хорвоод эцэг, эх шиг ачтан хаа байх. Ижий, аавынхаа ачийг хариулах хамгийн дээд арга бол ээж аавынхаа ачийг санаж, ариун буяныг үйлдэж, хилэнцэт нүглийг тэвчих ажээ.
Эрхэм сүсэгтэн олон, номын садан та бүхэн энэхүү их дүйчин өдрөөр эцэг, эхийнхээ ачийг санан санан, ижий, аавыгаа Гандан хийдэд авчирч, ном буян хураалгаж. баярлуулж, баясгаж үйлдээрэй. Мөн өөрсдөө ижий, аавынхаа ачийг хариулахын тухайд хурал номд даган баясаж, эргэл мөргөл хийж, ээж аавдаа туслаж, бусдын тусыг бүтээж, буян номд хичээн шамдаарай хэмээн Жавзандамба Хутагт Төвөөс уриалж байна.
| Өнөөдөр Бурхан багшийн эхийн ачийг хариулсан их дүйчин өдөр | ||
| Үзсэн: 2656 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.