УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Г.Баярсайхан БНХАУ-ын Биотехнологийн хүрээлэнгийн эрдэмтэн, доктор Жонн Вуг хүлээн авч уулзлаа. Монгол малыг эрүүлжүүлэх, өвчнөөс урьдчилан сэргийлэх чиглэлд дэлхийн шинжлэх ухааны салбарт шалгарсан сайн вакциныг манай улсад үйлдвэрлэхэд хамтран ажиллах саналтай байгаагаа эрдэмтэн, доктор Жонн Ву танилцууллаа. Түүний шинээр гаргасан малын вакцин, урьдчилан сэргийлэх тарилга нь АНУ, Австрали зэрэг дэлхийн өндөр хөгжилтэй оронд туршигдаж, мал аж ахуйн салбарт амжилттай хэрэгжиж байгаа гэсэн юм.
Байнгын хорооны дарга Г.Баярсайхан “Гадаадын зах зээлд Монгол малын махыг гаргах, иймд малыг эрүүлжүүлэх шаардлага бий. Малыг эрүүлжүүлэх вакцин, урьдчилан сэргийлэх тарилгыг манай улсад үйлдвэрлэх чиглэлд хамтран ажиллах бодолтой байгаад таатай байна. Хөдөө аж ахуйн салбарт шинэ вакцины үйлдвэр байгуулах энэ ажлыг бодлогоор дэмжинэ” гэсэн юм.
БНХАУ-ын Биотехнологийн хүрээлэнгийн эрдэмтэнтэй уулзав | ||
Үзсэн: 862 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.