Төмөр замын Удирдах газрын Суудлын Вагон Депогийн обьектыг түшиглэн зохион байгуулж ХӨСҮТ, Нийслэлийн Онцгой байдлын газар, Төмөр замын байгууллага, Нийслэлийн Эрүүл мэндийн газар, Улаан загалмайн хороо, Нийслэлийн Түргэн Тусламжийн Төв нийт 16 байгууллагын 120 албан хаагч оролцож  мэргэжлийн байгууллагын гүйцэтгэх үүргийнхээ дагуу хэрхэн арга хэмжээ авах талаар үзүүлэх сургууль хийсэн байна.

Цагийн байдлаар Эбола вирүсын халдварын сэжиг илэрсэн хоёр өвчтөн, хоёр дугаар хавьтал бүхий найман зорчигчтой суудлын галт тэргийг тусгаарлан хамгаалалтад авч, сэжигтэн хоёр өвчтөнд үзлэг хийж, голомтоос тусгаарлах байранд байршуулж, найман зорчигчийг тусгаарлан эмчийн тайлбар авах, суудлын галт тэргэнд /дотор болон гадна байдалд/ ариутгал халдваргүйжүүлэлт хийх ажиллагаа явагдаж, шуурхай штаб удирдлага зохион байгуулалтаар хэрхэн хангаж ажиллах талаар дадлага сургуулийг зохион байгуулжээ.