Үндэсний телевиз
Цагийн хүрд
Найм арваннэг
Нийслэлийн ИТХ-ын дарга Д.Баттулга БНХАУ-ын CRCC төрийн өмчит компанийн дэд ерөнхийлөгч Ху Фан тэргүүтэй төлөөлөгчдыг хүлээн авч уулзлаа. Уулзалтаар БНХАУ-ын нэр хүнд бүхий CRCC төрийн өмчит компани Улаанбаатар хотын бүтээн байгуулалтад хөрөнгө оруулалт хийх сонирхолоо илэрхийлж, Баянзүрх дүүргийн товчооноос Налайх дүүргийн чиглэлд 17.5 км авто замын ажил болон Улиастайн уулзвараас Баянзүрхийн товчоо чиглэлийн 3.4 км авто зам, тус чиглэл дахь 288 метр гүүрийн ажлыг концессийн гэрээгээр гүйцэтгэхээр болж, санамж бичигт гарын үсэг зурлаа. Мөн БНХАУ-ын CRCC компани нь нийслэлийн орон сууцны барилга угсралтын ажилд хамтран оролцох сонирхолтой байгаагаа илэрхийллээ.
Энэ үеэр Нийслэлийн ИТХ-ын дарга Д.Баттулга “Та бүхнийг хүрэлцэн ирж, нийслэлийн бүтээн байгуулалтын ажилд дэмжлэг болж байгаад талархаж байна. Бидний хамтран хэрэгжүүлэх гэж байгаа ажлууд нийслэлийн бүтээн байгуулалтын ажлын эхлэл бөгөөд цаашид олон төсөл дээр Та бүхэнтэй харилцан ашигтай хамтран ажиллана гэдэгт итгэлтэй байна” гэлээ.
| Нийслэлд 20.9 км замыг концессын гэрээгээр байгуулахаар боллоо | ||
| Үзсэн: 887 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.