Шууд Chart

Ерөнхий сайд гадаадын хөрөнгө оруулагч, бизнесмэнүүдийг хэрэгт холбогдуулан шалгаж байна гэв

2014-12-08 16:37:47

Сүүлийн үед олон улсын томоохон агентлагууд бизнес, хөрөнгө оруулалтын шугамаар Монгол Улсад урт болон богино хугацаагаар ирсэн гадаадын бизнесмэнүүд, хөрөнгө оруулагчид буцаж чадахгүй байна, тэднийг ямар нэгэн хэрэгт холбогдуулан шалгаж байгаа гэх шалтгаанаар гарах эрх өгөхгүй байна. Гэвч энэ бүхэн ямар шалтгаантай болох нь тодорхойгүй байгаа тухай олноор мэдээлсэн байна. Мөн гадаадын нэр бүхий байгууллага, албан тушаалтнуудаас энэ талаар тодруулсан цахим шуудан Ерөнхий сайдад иржээ. Үүнтэй холбогдуулан Ерөнхий сайд Ч.Сайханбилэг гадаадын хөрөнгө оруулагчид, иргэдийн талаарх судалгаа мэдээллийг Засгийн газрын хуралдаанд танилцуулахыг Гадаад харилцааны дэд сайд Д.Ганхуягт даалгажээ.

Засгийн газар гадаадын хөрөнгө оруулалтыг дэмжсэн бодлого явуулж байгаа ч цөөн хүний үйлдлээс улбаалан Монгол Улсын нэр хүндтэй холбоотой асуудал хөндөгдвөл тодорхой байр сууриа илэрхийлэх шаардлагатай гэж Ерөнхий сайд үзэж байгаа аж.
 
Түүнчлэн, шүүхийн шийдвэрээр хүчингүй болсон хайгуулын болон ашиглалтын 106 талбайд шинээр тусгай зөвшөөрөл олгох ажлын явцын талаар Засгийн газрын хуралдаанд танилцуулахыг Засгийн газрын хэрэгжүүлэгч агентлаг Ашигт малтмалын газрын даргын үүргийг түр орлон гүйцэтгэгч Д.Үүрийнтуяад үүрэг болгожээ.
 
Нийтэлсэн: О.Энхмаа

Ерөнхий сайд гадаадын хөрөнгө оруулагч, бизнесмэнүүдийг хэрэгт холбогдуулан шалгаж байна гэв   
Үзсэн: 947 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй