Үндэсний телевиз
Цагийн хүрд
Найм арваннэг
Ардчилсан хувьсгалын 25 жилийн ой энэ өдрүүдэд тохиож байгаа билээ. Энэхүү ойн баярыг тохиолдуулан Цагаан морин жилийн хувьсгалын уриа гэгддэг “Хонхны дуу”-нд Монгол Улсын Ерөнхийлөгч Ц.Элбэгдоржийн зарлигаар Төрийн соёрхол хүртээлээ.
Төрийн соёрхол хүртээх ёслол дөнгөж сая Төрийн Есөн хөлт их цагаан тугны дэргэд боллоо. Монголд Ардчилсан хувьсгал өрнөсний 25 жилийн ойг тохиолдуулан хүртээж буй Төрийн шагналыг уг дууны үг, аяыг зохиож, өөрөө анхлан дуулсан Сосорбарамын Цогтсайхан агсны гэр бүлийнхэнд гардуулан өгөв. Шагналыг Монгол Улсын Ерөнхийлөгчөөс С.Цогтсайхан агсны хүү Ц.Түшиг гардан авсан юм. Уг арга хэмжээнд С.Цогтсайхан агсны гэргий Н.Наташа, "Хонхны дуу"-г хамтран дуулж олонд хүргэсэн Н.Энхбаяр нар оролцов.
Монгол Улсын Ерөнхийлөгчийн зарлигт "Монгол оронд өрнөсөн ардчилсан хувьсгалын сүлд дуу-Сосорбарамын Цогтсайханы үг, ая “Хонхны дуу”-нд Төрийн соёрхол хүртээсүгэй" гэжээ.
“Хонхны дуу”-г анх Хонх хамтлагийн С.Цогтсайхан агсан зохиож олны хүртээл болсон юм. “Хонхны дуу” нь Монголын ард түмний зүрх сэтгэлд хүрсэн мөнхийн бүтээл болж, өнөөдөр ч ач холбогдлоо алдаагүй байгааг шагнал гардуулах үеэр хэлсэн үгэндээ Монгол Улсын Ерөнхийлөгч Ц.Элбэгдорж тэмдэглэн хэллээ.
| “Хонхны дуу”-нд Төрийн соёрхол хүртээлээ | ||
| Үзсэн: 3291 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.