Үндэсний телевиз
Цагийн хүрд
Найм арваннэг
Испанийн "Барселено" клубын Аргентин довтлогч Лионель Месси Аваргуудын лигийн хүрээнд Францын "ПСЖ" клубтэй хийх тоглолтын өмнө Испанийн Спортын эрүүл мэнд хамгааллын агентлагаас явуулсан допингийн шинжилгээнд сэтгэл дундуур байгаагаа илэрхийллээ.
Тэд Лионель Мессигээс гадна түүний багийн хамтрагчид болох Андрес Иньеста, Иван Ракитич, Хорди Алба, Клаудио Браво зэрэг тоглогчдоос шинжилгээ авсан ч зөвхөн Мессигээс нарийвчилсан шинжилгээ авчээ.
Харин тэрбээр өөрийн инстаграм хуудсаараа дамжуулан "Допингийн шинжилгээ. Сонгогдсон таван тоглогчоос би л ганцаараа нарийвчилсан шинжилгээ өглөө. Сонин биш гэж үү" хэмээн өөрийн байр суурийг илэрхийллээ. Түүний хувьд сүүлд оролцсон дөрвөн тэмцээнийхээ гуравт нь хеттрик хийсэн бөгөөд Аваргуудын лигт хэсгийн таван тоглолтод оролцож, долоон гоол хийгээд байгаа билээ.
| Месси допингийн шинжилгээнд итгэл төгс байна | ||
| Үзсэн: 927 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.