Үндэсний телевиз
Цагийн хүрд
Найм арваннэг
Австралийн алдарт усан сэлэлтийн тамирчин Грант Хэккет их спортдоо эргэн ирлээ. Олимпийн гурван удаагийн аварга ирэх жилийн дөрөвдүгээр сард Австралийн шигшээ багийн сонгон шалгаруулалтад оролцохоор шийджээ. ДАШТ-ээс 17 алтан медаль хүртсэн Хэккэт эдүгээ 34 настай бөгөөд 2008 онд түүнийг зодог тайлах тухай ярьж байсан. Тэгвэл тэр цаг үеэс өнөөг хүртэл буюу бүтэн зургаан жил их спортоо завсарлаад эргэн ирж буй түүнийг ямар амжилт гаргах бол гэдэгт хүн бүр анхаарлаа хандуулж байна.
Өмнө нь Ян Торп гэх алдарт тамирчин "эргэн ирэлт" хийсэн ч бүтэлгүйтсэн юм. Грант Хэккет "Би өөрийнхөө хэрхэн гарч ирж байсан тэр үеийг өөртөө мэдрүүлмээр байна. Шинэ сорилтыг давж чадах эсэхээ соримоор байна" гэжээ. Мөн түүний хувьд өнгөрсөн хоёрдугаар сард эм бэлдмэлээс хамааралтай эмгэгээ АНУ-д эмчлүүлж байсан юм.
| Грант Хэккет зургаан жилийн дараа их спортдоо эргэн ирлээ | ||
| Үзсэн: 1000 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.