Засгийн газрын уг шийдвэртэй холбогдуулан хүүхдийн мэргэжлийн чиглэлээр үндсэн /резидент/ болон төрөлжсөн мэргэшлээр эрчимжүүлсэн сургалтад эмч, сувилагч нарыг ажлын байраар хангаж, төрийн санхүүжилтээр сургахаар боллоо.

 

Энэхүү сургалтад Ерөнхий мэргэжлийн эмч, хүүхдийн эмч, сувилагчдыг хамруулах юм байна. Ингэхдээ иргэний цахим үнэмлэх, бакалаврын болон мэргэжлийн диплом, үнэмлэх, мэргэжлийн үйл ажиллагаа эрхлэх зөвшөөрөл, тухайн мэргэжлээрээ эрүүл мэндийн байгууллагад гурваас доошгүй жил ажилласан тодорхойлолт, нийгмийн даатгалын дэвтэр, албан хаагчийн анкет зэргийг бөглөж, нийслэлийн нутгийн захиргааны Хангарьд ордны 901 тоотод бүртгүүлэх ажээ.